مغربی بنگال حکومت کے وزیرسیاحت گوتم دیب نے پریس کانفرنس کے دوران میڈیا کوخطاب کرتے ہوئے کہاکہ میں نے اپنی پوری زندگی میں ایسا گورنرنہیں دکھاہے۔
انہوں نے کہاکہ گورنرجگدیپ دھنکرکی پوری ریاست عزت کرتا ہے۔ لیکن انہیں اس بات کا ذرا بھی خیال نہیں ہے۔ اگر انہیں اس بات کا خیال رہتا تو وہ کسی کے خلاف بلاوجہ تنقیدنہیں کرتے۔
ریاستی وزیر کاکہنا ہے کہ گورنرجگدیپ دھنکرآیئنی عہدے پر فائزہیں۔ انہیں اس بات کا خیال رکھنا چا ہیے۔کسی بھی تقریب میں اگروہ مدعوہیں توبہت سوچ سمجھ کر بات کرنے کی ضرورت ہے۔
گوتم دیب کاکہنا ہے کہ گورنرجگدیپ دھنکرہرجگہ کچھ بھی کہہ دیتے ہیں۔ انہیں ایسا نہیں کرناچاہیے۔اگر وہ ریاستی حکومت کے کام کاج میں دخل اندازی کریں گے تو وزیراعلیٰ کس کام کے لیے ہیں۔
انہوں نے کہاکہ وزیراعلیٰ کی ایک ٹیم ہے جو ریاست کی ترقی کے بارے میں سوچتی ہے ۔اس پر کام کرتی ہے۔لیکن ان پر تنقید کرنا جائز نہیں ہے۔
ریاستی وزیر کے مطابق عزت واحترام دل سی ہوتی ہے۔ خریدی ہوئی عزت زیادہ دنوں تک برقرارنہیں رہ سکتی۔ گورنراچھے کام کریں گے توعام وخاص دونوں ان کی عزت کریں گے ۔
