مغربی بنگال بھارتیہ جنتاپارٹی کے صدر دلیپ گھوش نے کہاکہ مرکزی حکومت ریاست مغربی بنگال کی مدد کرنے کے لئے ہمیشہ تیار رہتی ہیں لیکن وزیراعلیٰ ممتابنرجی کو بی جے پی سے مسئلہ ہے اس لئے وہ ریاست کی ترقیاتی کاموں کونظر انداز کرتی ہیں
مرکزی حکومت کے ذریعہ بنگال کےلئے فنڈ جاری نہیں کرنے پر وزیر اعلیٰ ممتا بنرجی کا وزیر اعظم مودی کو خط لکھے جانے پر دلیپ گھوش نے کہا کہ جب مرکز بنگال کے وزیر اعلی کو فون کرتا ہے تو وہ جواب نہیں دیتی ہے؟
ممتا بنرجی نے عوام کو گمراہ کرنے کےلئے خط لکھا ہے ۔خط کے ذریعے بھرم پھیلانے کی کوشش کی گئی ہے۔ ہماری مرکزی حکومت کسی کو بھی ان کے حقوق سے محروم نہیں کرتی ہے۔
انہوں نے کہاکہ ہماری حکومت بہت سارے فنڈز سے تحت ریاستوں بہت زیادہ رقم دے رہی ہے۔ بہت سارے پیسے واپس نہیں کیے جاتے ہیں۔ سیکیورٹی پر فنڈز خرچ نہیں کیے جاتے ہیں۔
چوںکہ ریاستی حکومت وقت پر حساب نہیں دیتی ہے اس لئے فنڈ جاری ہونے میں تاخیر ہوجاتا ہے ۔
بریگیڈ میدان میں ریلی کی اجازت کے سوال پر دلیپ گھوش نے کہا کہ وزارت دفاع نے ہمیں اجازت دیدی ہے اور مائیک کے استعمال پر ہم نے پولس سے اجازت طلب کی ہے اور امید ہے کہ جلد ہی پولس اجازت دیدی گی ۔
