مغربی بنگال بھارتیہ جنتا پارٹی کے رہنما شانتین باسو نے اپنےسابقہ بیان ہر یوٹرن لیتے ہوئے کہاکہ بی جے پی کی قیادت والی مرکزی حکومت نے شہریت ترمیمی ایکٹ قانون لاکر بھاری عوام کے لئے بہت ہی اہم کام کیا ہے۔
انہوں نے کہاکہ پاکستان ، بنگلہ دیش اور افغانستان میں ظلم کا شکار ہونےو الے ہندؤں کو بھارتی شہریت دی جائے گی۔ ان کے لیے روز گار مہیا کرائی جائے گی۔
بی جے پی کے رہنما کاکہنا ہے کہ شہریت ترمیمی ایکٹ سے کسی ڈرنے کی ضرورت نہیں ہے۔ مغربی بنگال کی حکمراں جماعت ترنمول کانگریس لوگوں کو گمراہ کررہی ہے۔
انہوں نے کہاکہ میں نے کبھی بھارتی ملسمانوں کے خلاف بیان بازی نہیں کی ہے۔ میں نے کہا بھارتی مسلمانوں کو شہریت ترمیمی ایکٹ سے ڈرانے کی ضرورت نہیں ہے۔ جس طرح ہندو بھارتی شہری ہیں ٹھیک اسی طرح مسلمان بھی شہری ہیں۔ مسلمانوں کی شہریت پر کوئی سوال اٹھا نہیں سکتا ہے۔
بی جے پی کے رہنما کاکہنا ہے کہ میں نے ہمشیہ سے ایک بات کہی ہے کہ غیر قانونی طریقے سے بھارت میں رہنے والے بنگلہ دیشی مسلمانوں کو ملک بدر کیا جائے گا۔ بنگلہ دیشی مسلمانوں کو اگر ملک بدر کیا جائے گا تواس کسی کو اعتراض نہیں کرنا چا ہئے کیوںکہ وہ بھارتی ہیں۔ لیکن چند لوگوں بھارتی مسلمانوں کو گمراہ کررہے ہیں اور ملک بدر کرنے کے نام پر ڈرا رہے ہیں۔
انہوں نے جلسے کے دوران کہا تھا کہ ہندو ہونا ہی سی اے اے کے لیے سرٹیفیکٹ ہے۔ ایک کروڑ بنگالی مسلمانوں کو ملک بدر کرنے کا منصوبہ بنالیاگیا ہے۔
اس کے علاوہ بی جے پی کے رہنما نے کہاتھاکہ مغربی بنگال میں شہریت ترمیمی ایکٹ کی مخالفت کرنےو الے تمام دنشوار اور ادیب مندر کے بچے ہیں۔ ان کے اس بیان پر کافی ہنگامہ ہوا تھا۔
