مغربی بنگال بھارتیہ جنتاپارٹی کے جنرل سکریٹری راہل سنہا نے وزیراعلیٰ ممتابنرجی نے اسمبلی میں شہریت ترمیمی ایکٹ کے خلاف قرارداد کوپاش کرکے غیرقانونی کام کیا ہے
انہوں نے کہاکہ ممتابنرجی آئینی عہدے پر فائذ ہونے کے باوجود پارلیمنٹ میں منظور ہونے کے بعد صدرجمہوریہ کے دستخط کے بعد قانونی شکل اختیار کرنے کے باوجود نئے قانون کے خلاف قرارداد لانا اور اسے پاس کرانا غیرآئینی ہے۔
بی جے پی کے رہنما کاکہنا ہے کہ ممتابنرجی کو وزیراعلیٰ کے عہدے پر فائذ رہنے کا کوئی حق نہیں ہے۔ انہیں فوراً استعفیٰ دینا چا ہیے۔ وہ کس حق سے وزیراعلیٰ کے عہدے پر فا ئز ہیں۔
انہوں نے کہاکہ اسمبلی میں شہریت ترمیمی ایکٹ کے خلاف قرارداد منظور ی پر ترنمول کانگریس ، سی پی آ ئی ایم اور کانگریس کی ملی بھگت قرارر دیا۔
بی جے پی کے رہنما کاکہنا ہے کہ سی پی آ ئی ایم اور کانگریس کو یہ اعلان کرنا ہوگا کہ وہ ترنمول کانگریس کی بی ٹیم بن کر ریاست میں کام کررہی ہیں۔ مغربی بنگال میں تمام پارٹیاں ملک مخالف ہیں ان سے زیادہ امید نہیں کرسکتے ہیں۔
راہل سنہا کاکہنا ہے کہ شہریت ترمیمی ایکٹ کے خلاف قرارداد لانا افسوسناک ہے۔ ریاستی بی جے پی کے تمام اضلاع میں اس سلسلے میں جلسے کرے گی۔لوگوں کو بتانے کی کوشش کی جائے گی کہ حکمراں جماعت ترنمول کانگریس ، سی پی آ ئی ایم عوام مخالف سرگرمیوں میں ملوث ہیں۔
