مغربی بنگال میں اسمبلی انتخابات سے قبل اپوزیشن جماعتوں کے درمیان اتحاد کے لیے بات چیت شروع ہو گئی ہے۔ کانگریس اور لفٹ فرنٹ نے عباس صدیقی کی پارٹی انڈین سیکولر فرنٹ کے ساتھ حکمراں جماعت ترنمول کانگریس کے خلاف عظیم اتحاد تشکیل دینے کی کوشش تیز کر دی ہے۔
ممتا بنرجی کی سیاسی جماعت ترنمول کانگریس اور بی جے پی کے خلاف عظیم اتحاد میں کانگریس، لفٹ فرنٹ اور انڈین سیکولر فرنٹ کے علاوہ دوسری پارٹیوں کو شامل کرنے کا فیصلہ کیا گیا ہے۔
انڈین سیکولر فرنٹ کے سربراہ اور فرفرہ شریف کے پیرزادہ عباس صدیقی کا کہنا ہے کہ بے شک ترنمول کانگریس اور بی جے پی کے خلاف اتحاد کا حصہ بنوں گا۔
انہوں نے کہا کہ تمام اپوزیشن جماعتوں کا ترنمول کانگریس کو اقتدار سے بے دخل کرنا اور بی جے پی کو اقتدار میں آنے سے روکنا اہم مقصد ہے۔
انڈین سیکولر فرنٹ کے سربراہ پیرزادہ عباس صدیقی کا کہنا ہے کہ ابھی بات چیت ابتدائی مرحلے میں ہے۔ بات چیت طے ہونے کے بعد ہی اس معاملے میں واضح طور پر کچھ کہا جا سکتا ہے۔
انہوں نے کہا کہ ریاست کے مسلم اکثریتی اضلاع میں امیدواروں کو انتخابی میدان میں اتارنے کا فیصلہ کیا ہے لیکن اس کے لئے کانگریس اور لفٹ فرنٹ کے ساتھ تبادلہ خیال ضروری ہے۔
مزید پڑھیں:
'عوام کی خدمت کرنا ہی میری زندگی کا اہم مقصد ہے'
انہوں نے کہا کہ کانگریس اور لفٹ فرنٹ سے مشورے کے بعد امیدواروں کے ناموں کا اعلان کیا جائے گا۔ تمام سیاس جماعتوں کے مشورے سے آگے کی حکمت عملی تیار کی جائے گی تاکہ کسی قسم کی کوئی پریشانی نہ ہو۔
