مغربی بنگال کے گورنرجگدیپ دھنکر دہلی کیلئے روانہ

مغربی بنگال کے گورنر جگدیپ دھنکر ایک بار پھر دہلی کے لئے روانہ ہوگئے ہیں۔ راج بھون کے ذرائع کے مطابق گورنر دہلی میں مرکزی وزیر داخلہ امیت شاہ سے ملاقات کریں گے۔

سیاسی حلقوں کے مطابق ترنمو ل کانگریس نے ان پر حوالہ کیس میں ملوث ہونے کا الزام عائد کیا ہے۔

بنگال بی جے پی کے کچھ لیڈران گورنر کے منفی رویے کی وجہ سے برہم ہے۔

سیاسی حلقوں کا کہنا ہے کہ گورنر اسی معاملے میں مرکزی وزیر داخلہ امیت شاہ سے ملاقات کریں گے۔

گزشتہ مہینے جولائی میں بھی انہوں نے دہلی کا دورہ کیاتھا۔

گورنر دہلی روانہ ہونے سے قبل شوبھیندو ادھیکاری سے انہوں نے راج بھون سے ملاقات کی۔

انہوں نے گورنر سے درخواست کی کہ”کھیلا ہوبے کے پروگرام کی تاریخ کو تبدیل کرنے کیلئے فوری کارروائی کی جائے۔

شوبھیندو کے مطابق 16 اگست بدنام زمانہ کلکتہ فسادات کے طور پر یاد کیا جاتا ہے۔

انہوں نے کہا کہ اس خونی دن کو نہیں منایا جانا چاہیے۔

17 جولائی کو گورنر نے دہلی کا دورہ کیا تھا۔اس درمیان انہوں نے مغربی بنگال اسمبلی انتخابات کے بعد ہونے والے تشدد کے واقعات پر تفصیل سے رپورٹ پیش کی تھی۔

مگر حوالہ کیس میں ان کا نام آنے کے بعد وہ اس وقت بیک فٹ پر آگئے ہیں۔

گزشتہ مرتبہ انہوں نے دہلی جاتے وقت لکھا تھا کہ کام کرتے رہے اور نتیجہ کی امید نہیں رکھو۔

مغربی بنگال اسمبلی میں اپوزیشن لیڈر شوبھیندو ادھیکاری نے گورنر سے ملاقات کرکے ریاستی حکومت سے شکایات کی۔

اس سے قبل گورنر نے شوبھیندو ادھیکاری کی بیمار والد ہ کی اسپتال میں جاکر عیادت کی تھی۔

یواین آئی۔نور