مغربی بنگال کے گورنر جگدیپ دھنکر نے مرکز کے اعلان کردہ خصوصی مالیاتی پیکیج کو ملک کی بیمار معیشت کی اصلاح کے لئے ایک پیش رفت قرار دیتے ہوئے پیکیج کا خیرمقدم کیاہے۔ساتھ ہی انہوں نے کہا ہے کہ مرکز کے پیکج پر ممتا بنرجی کا مؤقف منفی اور افسوسناک ہے۔
دودن قبل وزیر اعظم نریندر مودی نے کورونا سے نمٹنے کے لئے 20 لاکھ کروڑ روپے کے خصوصی مالی پیکیج کا اعلان کیاتھا۔وزیر اعظم نے دعوی کیا تھا کہ اس پیکیج سے ہر شعبہ ہائے زندگی کے افراد مستفید ہوں گے۔
وزیرا علیٰ ممتا بنرجی نے مرکز کے پیکج کی تنقید کرتے ہوئے کہا ہے کہ یہ مالی پیکج صفر کے علاوہ کچھ بھی نہیں ہے اور انہوں نے گھوڑے کا انڈا قرار دیا تھا۔
انہوں نے کہاکہ وزیراعظم کی جانب سے اعلان کردہ اسپیشل پیکج میں کوئی کمی نہیں ہے۔ لوگ اس کی تقریف کررہے ہیں لیکن ریاست کی وزیراعلیٰ اس کی مخالفت کررہی ہیں۔
گورنرنے کہاکہ ایک وزیراعلیٰ کو وزیراعظم کے منصوبے کی مخالفت نہیں کرنی چاہئے ۔اس سے لوگوں میں منفی پیغام جاتا ہے۔
