مغربی بنگال کے گورنر نے ٹویٹ کرتے ہوئے ممتا کو راج بھون مدعو کرنے کی اطلاع دی تاہم یہ بڑا سوال ہے کہ کیا مغربی بنگال کی وزیراعلیٰ ممتا بنرجی گورنر کے ذریعہ مدعو کیے جانے پر راج بھون جائیں گے۔
اس سے قبل گورنر نے چیف سکریٹری اور ڈائریکٹر جنرل آف پولس کو بھی طلب کیا تھا لیکن اعلیٰ افسران گورنر کی طلبی پر توجہ نہیں دی۔
گورنر نے کل چیف سیکریٹری راجیب سنہا اور ڈی جی بریندرا کو راج بھون طلب کیا تھا لیکن دونوں افسران میں سے کسی نے بھی راج بھون جانے کی ضرورت محسوس نہیں کی اور نہ ہی ان دونوں افسران نے راج بھون نا آنے سے متعلق کچھ کہا ہے۔
گورنر نے اس پر تبصرہ کرتے ہوئے کہا کہ یہ نہ صرف افسوس ناک ہے بلکہ ناقابل قبول ہے۔
دوسری جانب وزیر اعلیٰ ممتا بنرجی کے ذریعہ شہریت ترمیمی ایکٹ کے خلاف جلوس کی قیادت کرنے پر تبصرہ کرتے ہوئے گورنر نے کہا کہ وزیر اعلیٰ ممتا بنرجی غیر قانونی کام کررہی ہیں۔
وزیراعلیٰ ممتا بنرجی نے این آر سی اور شہریت ترمیمی ایکٹ کے خلاف تین روزہ احتجاج کا اعلان کیا ہے۔
ان کا ایک احتجاج امبیڈکر مجسمہ سے جوڑا سانکو تک ہوا جبکہ کل(منگل) جادو پور سے شروع ہوگا اور اس کے بعد ہوڑہ میدان سے دھرم تلہ نکالا جائے گا۔
واضح رہے کہ پارلیمنٹ کے دونوں ایوانوں میں شہریت ترمیمی بل پرم مہر لگانے کے بعد ملک کی تمام ریاستوں کی طرح مغربی بنگال کے تمام اضلاع میں بھی شہریت ترمیمی قانون کے خلاف پرُتشدد مظاہرے جاری ہیں۔
مرکزی حکومت کے خلاف جاری پرتشدد احتجاج اب خطرناک شکل اختیار کرچکی ہے جس کی وجہ سے حالات بے قابو ہوگیے ہیں۔
