مغربی بنگال کے گورنر جگدیپ دھنکر نے آخر کار ریاستی بجٹ کومنظوری دیدی ہے۔چیف سیکریٹری اور سیکریٹری خزانہ کل گورنر سے ملاقات کی تھی اس کے بعدگورنر نے بجٹ کو منظوری دیدی۔
کل بجٹ اجلاس کے افتتاحی تقریب میں گورنر سے بجٹ کو منطور کرنے کی وزیر اعلیٰ نے درخواست دی تھی۔
15کو وزارت خزانہ نے بجٹ کی منظوری کے لئے راج بھون ایک فائل بھیجی دی۔ لیکن اس فائل میں کوئی خاص معلومات نہیں دی گئی تھی۔
فائل پر عدم اطمینان کا اظہار کرنے کے بعد راج بھون نے فائل کوواپس بھیج دیا۔گزشتہ تین ہفتوں تک وزارت خزانہ سے راج بھون کو اس فائل پر کوئی جواب نہیں دیا۔
راج بھون کے ذرائع کے مطابق گورنر نے وزارت خزانہ کے اس رویہ پر ناراضگی ظاہر کی تھی ۔
وزیر پارلیمانی امور پارتھوچٹرجی کے ساتھ وزیر خزانہ امیت مترا نے گورنر سے ملاقات بھی کی تھی ۔تاہم اس کے باوجود گورنر نے بجٹ کو منظور ی نہیں دی ۔
گورنر نے کہا تھا کہ وہ آئین کے مطابق کام کریں گے۔ جمعہ کو بجٹ اجلاس کے بعد راج بھون میں محکمہ خزانہ کے پرنسپل اکاؤنٹنٹ جنرلوں کے ساتھ ا میٹنگ ہوئی۔
اس کے فورا بعد ہی چیف سکریٹری اور سکریٹری خزانہ نے گورنر سے ملاقات کی اور ان کے سوالوں کا جواب دیا ۔ایک گھنٹے کی بات چیت کے بعد آخر کار چیف سکریٹری کے سامنے ریاستی بجٹ کی منظوری دی گئی۔
