کولکاتا کے مئیر اور ریاستی وزیر برائے شہری ترقیات و میونسپل امور فرہاد حکیم آج پارٹی کے 22 ویں یوم تاسیس پر بی جے پی پر سنگین الزامات لگاتے ہوئے کہا کہ بی جے پی کے پاکستان کے ساتھ مبینہ خفیہ تعلقات ہیں۔
آج پارٹی کے 22 ویں یوم تاسیس پر کولکاتا کے مئیر نے تارا تلہ کے 80نمبر وارد میں پارٹی کارکنوں کے ساتھ کیک کاٹ کر پارٹی کے ساتھ اپنا جنم دن بھی منایا. اس موقع پر انہوں کہا کہ جیسے ہی انتخابات سامنے آتے ہیں تو ملک میں بالا کوٹ کا واقعہ پیش آتا ہے.
انتخابات کے وقت ہی پلوامہ کا واقعہ پیش آتا ہے اور جیسے ہی انتخابات ختم ہو جاتے ہیں نہ پلوامہ ہوتا ہے اور نہ ہی بالا کوٹ ہوتا ہے اور سرجیکل اسٹرائک بند ہو جاتے ہیں. پاکستان پر حملے بھی بند ہو جاتے ہیں.
انہوں نے ان واقعات کے سلسلے میں سوال اٹھاتے ہوئے کہا کہ پاکستان کے ساتھ ملکر کون سی سازش ہو رہی اس کے ساتھ ہی انہوں نے پاکستان کے ساتھ بی جے پی کے خفیہ تعلقات ہونے کی بات کہی.
اس کے علاوہ این آر سی اور شہریت ترمیمی قانون پر انہوں مرکزی حکومت کی نکتہ چینی کرتے ہوئے کہا کہ آن لائین سی اے اے کرانے کی بات کرنے والے پاگل ہو گئے ہیں ۔
