ملک کی دوسری ریاستوں کی طرح مغربی بنگال کے مختلف اضلاع میں کسان بل کے خلاف احتجاج بھیانک شکل اختیار کرچکا ہے۔
ریاست کے مختلف اضلاع میں کسان بل کے خلاف دھرنے پر بیٹھے کسانوں کی حمایت میں جلسہ و جلوس کا سلسلہ جاری ہے۔
جنوبی24 پرگنہ کے گوسابا میں کسانوں اور ماہی گیروں نے کسان بل کے خلاف احتجاجی جلوس کا اہتمام کیا گیا ۔
کسانوں نے ٹریکٹروں کے ساتھ اور ماہی گیر مچھلی پکڑنے والے جال لے کر احتجاجی جلوس میں شامل ہوئے۔
کسانوں اور ماہی گیروں نے بی جے پی کی قیادت والی مرکزی حکومت کے خلاف احتجاج کرتے ہوئے ناکہ بندی کر دی جس سے آمدورفت پوری طرح سے ٹھپ پڑ گئی۔
احتجاجی جلوس میں شامل کسانوں اور ماہی گیروں نے بل اور مزدور قانون جلد سے جلد واپس لینے کا مطالبہ کیا
ترنمول کانگریس کے رکن اسمبلی جینتو نسکر نے کہا کہ کسان بل کے خلاف احتجاجی جلوس مسجد باڑی سے شروع ہو کر پانچ کلو میٹر دور عیدگاہ کے پاس اختتام پزیر ہوا۔
اس احتجاجی جلوس میں سینکڑوں کسانوں اور ماہی گیروں نے شرکت کی۔ اس جلوس میں شامل ہونے والے لوگ کسی بھی سیاسی جماعت سے وابستہ نہیں ہیں۔
