ریاستی وزیر تعلیم پارتھو چٹرجی نے آج ایس ایس کے اور ایم ایس کے اساتذہ کے نمائندوں کے ساتھ ملاقات کرنے کے تنخواہ میں اضافہ کرنے کا اعلان کیا۔دوہفتہ سے زاید پرائمری اسکولوں کے اساتذہ کے احتجاج کے بعد حکومت نے تنخواہ میں اضافہ کرنے کا اعلان کیا تھا۔
ایس ایس کے اور ایم ایس کے اساتذہ بھی کئی سالوں سے تنخواہ میں اضافہ کا مطالبہ کررہے تھے۔حکومت نے تین ہزار روپے اضافہ کا فیصلہ کیا ہے۔
اس کے علاوہ یہ اب تک پنچایت کے تحت تھا مگر اب حکومت نے انہیں وزارت تعلیم کے تحت لانے کا فیصلہ کیا ہے۔حکومت کے مطابق ایس ایس کے اور ایم ایس کے اساتذہ کو اب اسسٹنٹ ٹیچر کا عہدہ دیا جائے گا اور انہیں دیگر سہولیات دی جائے گی۔
ریاستی وزیر تعلیم کے ساتھ یہ میٹنگ 23جولائی کو ہی ہونے والی تھی مگر بعد میں یہ میٹنگ ملتوی ہوگئی اور اب جاکر یہ میٹنگ ہوئی ہے۔ایس ایس کے اور ایم ایس کے اساتذہ کافی دنوں سے تنخواہ میں اضافے کیلئے آواز اور احتجاج بھی کررہے تھے مگر اب حکومت کے ذریعہ مطالبات تسلیم کیے جانے کے بعد اساتذہ نے خوشی کا اظہار کیا ہے۔
