کولکاتا: مغربی بنگال میں گرمیوں کی چھٹیاں ختم ہورہی ہے اور اگلے مہینے جون کے پہلے ہفتے سے تمام اسکول کھل جائیں گے۔ محکمہ تعلیم نے اسکول انتظامیہ کے لیے خصوصی ہدایات جاری کیے ہیں۔ محکمہ تعلیم کے مطابق سیکنڈری اسکول 5 جون سے اور پرائمری اسکول 7 جون سے کھل رہے ہیں۔ریاست بھر میں گذشتہ 2 مئی سے گرمیوں کی چھٹیاں دی گئی تھیں۔ آخر کار، اگلے ہفتے سے ریاست بھر میں اسکول کھل رہے ہیں۔ محکمہ تعلیم نے کلاسز کا نقصان اضافی کلاسز سے پورا کرنے کا حکم دیا ہے۔ مدھیہ شکشا پرشاد نے اس سلسلے میں ریاست بھر میں حکومت اور حکومت کے زیر کنٹرول ہیڈ ٹیچروں کو ایک خط بھیجا ہے۔
یہ بھی پڑھیں:Education Minister On Madhyamik Exam : حق تعلیم قانون کی وجہ سے مدھیامک امتحان دینے والے طلبا کی تعداد میں کمی آئی
اسکولوں کو یہ بھی ہدایت کی گئی ہے کہ وہ اسکولوں کی تعطیلات کے بعد اضافی کلاسز کا انعقاد کریں جو مسلسل گرمیوں کی تعطیلات سے محروم ہیں۔ اس کے علاوہ اسکول میں نظم و ضبط کی پابندی کی جائے۔ ٹفن ٹائم کے دوران اسکول کے فائدے کے لیے استعمال کیا جائے۔ محکمہ تعلیم کے مطابق اسکول کے اوقات میں اسکول سے باہر جانے کے لیے ہیڈ ٹیچر سے اجازت لینا ضروری ہے۔ اس سلسلے میں ثانوی تعلیمی بورڈ نے ہدایات جاری کر دی ہیں۔اسکول انتظامیہ کو اسکولوں کی صاف صفائی سمیت تمام ضروری اقدامات اٹھانے پر زور دیا ہے۔ محکمہ تعلیم کی جانب سے ریاست کے تمام اضلاع میں واقع اسکول انتظامیہ کو تدرسی اور غیر تدرسی کاموں کے لئے تمام تر تیاریاں مکمل کرنے کی بھی ہدایت دی ہے۔
