مغربی بنگال اسمبلی میں آج عجیب و غریب صورت حال کا سامنا اس وقت ہوا جب ایک خاتون ممبر اسمبلی نے دوسرے خاتون ممبر اسمبلی کو ریپ کی دھمکی دی۔
بنگال اسمبلی میں بجٹ سیشن کے دوران ترنمول کانگریس کی ممبر اسمبلی نرگس بیگم نے سی پی ایم کی ممبر اسمبلی جہاں آرا کو ریپ کی دھمکی دی۔
ہنگامہ آرائی کے بعد نرگس نے معافی مانگ لی ہے۔ترنمول کانگریس کے سینئر لیڈران پارتھو چٹرجی اور فرہاد حکیم نے کہا کہ اس طرح کی ز بان قابل قبول نہیں ہے۔
جہاں آرا نے کہا کہ وہ اس طرح کی دھمکی سن کر حیران ہیں۔اسمبلی میں کبھی مجھے اس طرح کی امید نہیں تھی۔
جہاں آراء نے بعد میں نامہ نگاروں سے بات کرتے ہوئے کہا کہ مجھے آپنے آپ میں شرم آرہی ہے۔میں نے ریب متاثرین کو دیکھا ہے اور ان کی تکلیف محسوس کی ہے۔
ریاستی وزیر پارتھو چٹرجی نے کہا کہ نرگس کا بیان ناقابل قبول ہے۔اس طرح کی بیان کیلئے کوئی جگہ نہیں ہے۔
نرگس نے اپنے بیان کو واپس لے لیا ہے اورمعافی مانگ لی ہے۔ریاستی وزیر شہری ترقیات فرہاد حکیم نے کہا کہ نرگس کے بیان کو ایوان کی کارروائی سے خارج کردیا گیا ہے۔
بنگال اسمبلی کے اسپیکر بمان بنرجی نے ممبران سے اپیل کی کہ وہ اس طرح کے بیانات سے گریز کریں اور ڈیکورم کو باقی رکھیں۔
