کورونا وائرس کی وجہ سے ملک بھر میں جاری لاک ڈاؤن کو کامیاب بنانے کیلئے کئی ریاستوں میں پولیس کا انتہائی سخت رویہ سامنے آیا ہے۔
پولس کی بے رحمانے رویے کی وجہ سے کئی مقامات پر کئی لو گ شدید زخمی ہوگئے ہیں۔تاہم بسا اوقات پولس کو مجبوری میں بھی لاٹھی چارج کرنی پڑتی ہے
کیونکہ سمجھانے کے باوجود لاک ڈاؤن کے درمیان سڑکوں پر بڑی تعداد میں لوگ ہجوم میں نظرآتے ہیں۔ تاہم مغربی بنگال کی کولکاتا پولس نے لاک ڈاؤن کو کامیاب بنانے کیلئے سخت رویہ اپنانے کے بجائے نرم اور ہمدردانہ رویہ اختیار کرکے ایک نئی مثال قائم کی ہے۔
کئی مقامات پر کولکاتا پولیس اہلکار، افسران مختلف محلوں میں گانے گاکر لوگوں کا دل بہلانے کے ساتھ گھروں میں رہنے اور لاک ڈاؤن کو کامیاب بنانے کی اپیل کررہے ہیں۔ کولکاتا پولیس کے اس مہم کا مثبت اثر نظرآنے لگا ہے۔
جنوبی کولکاتا کے گڑیاہاٹ پولیس اسٹیشن کے افسران اکدالیہ گارڈن کے علاقے میں آئیکونک گانا ('We shall overcome')جسے امریکہ اور دنیا کے دیگر ممالک میں انسانی حقوق کی بازیابی کی تحریک کے دوران گایا جاتا تھا۔ اس نغمہ گاکر لکاتا پولیس اہلکار لوگوں کو گھروں میں رہنے کی اپیل کررہے ہیں۔
اس نغمہ کے ذریعہ شہریوں کو پولیس اہلکار یہ پیغام دینے کی کوشش کررہے ہیں کہ کورونا وائرس کے خلاف جنگ ہم ضرورجیتیں گے مگر اس کیلئے ہمیں لاک ڈاؤن کو کامیاب بنانا ہوگا۔
مرکزی کلکتہ کے انٹالی پولیس اسٹیشن کے تحت بھی پولیس افسران نے بھی مختلف محلوں میں نغمہ گاکر شہریوں سے لاک ڈاؤن کو کامیاب بنانے کی اپیل کرچکے ہیں۔
تاہم اس مہم کے دوران بھی کولکاتا پولیس کے اہلکار تمام حفاظتی سامان ماسک، دستانے اور معاشرتی فاصلے کااہتمام کررہے ہیں۔ جب پولیس اہلکار یہ پروگرام پیش کرتے ہیں تو لوگ اپنے گھروں کی کھڑکیوں سے پولیس اہلکار کیلئے تالی بجاتے ہیں اور فلیش لائٹ جلاکر ان کا شکریہ بھی ادا کررہے ہیں۔ اس کا ویڈیو بنا کر وائرل بھی کیا جارہا ہے۔
