پانی کے تحفظ کی ریلی کا انعقاد کرنے کے بعد مغر بی بنگال کی وزیر اعلیٰ ممتا بنرجی ماحولیات کے تحفظ کے لیے سرگرم ہو ں گی ۔ آئندہ جمعرات کو ماحولیات کے تحفظ کی ریلی کا انعقاد کر یں گی ۔
موصو لہ اطلاع کے مطابق ریاستی وزیر اعلیٰ ممتابنرجی آئیندہ جمعرات کو دوپہر تین بجے برلا پلانٹیریم سے نذریل منچ تک ماحولیات تحفظ ریلی کا انعقاد کریں گی۔
انہوں نے بتایا کہ ممتا بنرجی کے ماحولیات تحفظ ریلی میں ریاستی وزرائ کے علاوہ کھیل ، فلمی اورادبی دنیا کی معروف شخصیات کریں گی۔اس کے علاوہ مختلف اسکولوں کے طلباء بھی شامل ہوں گے۔
ریاستی وزیر فرہاد حکیم نے کہاکہ وزیر اعلیٰ ممتابنرجی پانی کے تحفظ ریلی کے بعد ماحولیات تحفظ کے نام سے ریلی انعقاد کر یں گی ۔ ان کا مقصد شہر اور اس کے اطراف میں ماحولیات کے تحفظ کے لیے عوام میں بیدار لانے کی ایک کوشش ہے۔
انہوں نے کہاکہ اس ریلی میں تمام لوگوں سے شرکت کرنے کی اپیل کی گئی ہے ۔ امید کر تے ہیں پانی کے تحفظ کی طرح ماحولیات تحفظ ریلی بھی کامیاب ہو گی۔
ریاستی وزیر کے مطابق ریاستی وزیر اعلیٰ لوگوں میں بیداری پیدا کرنے کے لیے منصوبہ بناتی ہیں اس سے عام لوگوں کو فائدہ ہو گا ہی اس کے علاوہ ماحولیات کو آلودگی سے پاک رکھنے میں مدد ملے گی۔
واضح رہے کہ رواں ماہ ریاستی وزیر اعلیٰ ممتا بنرجی نے کولکاتا اور اس کے اطراف میں پانی کے تحفظ کے نام سے ریلی کا انعقاد کیا تھا جس کا مقصد لوگوں میں پانی سے متعلق بیداری پید ا کرنا تھا۔
