کولکاتا:مغربی بنگال کی وزیر اعلیٰ ممتابنرجی نے گورنر سی وی آنند بوس پرتنقید کرتے ہوئے کہاکہ بنگال میں یوم تاسیس نہیں منایا جاتا ہے۔گورنر بنگال کی تاریخ سے لاعلم ہیں۔ہم نے ان سے یوم تاسیس نا منانے کی اپیل کی تھی لیکن اس کے باوجود انہوں نے راج بھون میں خصوصی تقریبات کا اہتمام کیا۔
دوسری طرف بی جے پی لیڈر شبھندو ادھیکاری بیشتر اوقات گورنر کی تنقید کرتے رہے ہیں مگر اس مرتبہ انہوں نے گورنر کے فیصلے پر خوشی کا اظہار کیا ہے۔نندی گرام میں شبھندو ادھیکاری کی قیادت میں یوم بنگال کے موقع پر جلوس نکالا گیا ۔جلوس کے اختتام کے موقع پر شبھندو ادھیکاری نے کہا کہ ’ہم خوش ہیں۔ یقینی طور پرمغربی بنگال ڈے منایا جانا چاہیے۔
ترنمول کانگریس کے ترجمان کنال گھوش نے جوابی حملہ کرتے ہوئے کہا کہ گورنر نے جس طرح سے بنگال کی روایات کو تباہ کیا ہے ۔انہوں نے کہا کہ بنگال میں کبھی بھی اس طرح کی روایت نہیں رہی ہے۔میں اور میری پارٹی اس کی مخالفت کرتی ہے ۔ بنگال کی تاریخ اور عوام کی توہین کرنے کے بعد آنند بوس کو یہاں گورنر بننے کا کوئی اخلاقی حق نہیں ہے۔
وزیر اعلیٰ نے خط میں یہ بھی وضاحت کی کہ اگر راج بھون میں مغربی بنگال ڈے منایا جاتا ہے تو اسے مغربی بنگال اسمبلی اور ریاستی کابینہ کی رضامندی حاصل نہیں ہوگی۔ گورنر کو اپنے خط میں ممتا نے یہ بھی واضح کیا کہ اگر مرکزی وزارت داخلہمغربی بنگال ڈے منانے کا کوئی حکم دیتی ہے تو یہ ایک غیر آئینی اور یکطرفہ فیصلہ ہوگا۔
ممتا بنرجی نے اپنے خط میں لکھا تھا کہ مغربی بنگال کسی خاص دن میں وجود میں نہیں آئی ہے۔ ہم بنگال میں پیدا ہوئے اور پرورش پائی۔ یہاںمغربی بنگال ڈے جیسا کوئی پروگرام کبھی نہیں دیکھا۔اس طرح کے واقعات کوئی بھی سیاسی جماعت اپنی انتقامی سیاست کے لیے کر سکتی ہے، لیکن حکومت کا ایسے کسی بھی واقعے سے کوئی لینا دینا نہیں ہے۔گورنر کے ساتھ فون پر بات چیت کا حوالہ دیتے ہوئے وزیر اعلیٰ نے لکھا ہے کہ آپ کے ساتھ بات چیت کے دوران آپ نے اتفاق کیا ہے کہ یکطرفہ اور کسی بھی طرح سے اس طرح کی بحث کے بغیرمغربی بنگال ڈے کا اعلان کرنا درست نہیں ہے۔ آپ نے مجھے یقین دلایا تھا کہ آپ ایسی کوئی تقریب منعقد نہیں کریں گے۔ کیونکہ اس تناظر میں، ممتا نے گورنر کو بھی لکھا، آزادی کے بعد سے بنگال میں مغربی بنگال ڈے جیسی کوئی تقریب منعقد نہیں کی جائے گی۔ بنگال نے تقسیم کے اس واقعہ کو ہمیشہ فرقہ وارانہ طاقت کے عروج کے طور پر یاد رکھا ہے۔
یہ بھی پڑھیں:Governor CV Anand Bose گورنر ہائوس پر عوام کا اعتماد بڑھ رہا ہے: گورنر سی وی آنند بوس
ممتا بنرجی نے لکھاہے کہ بنگلہ کی آرٹ کلچر ایک بہت ہی اعلیٰ معیار کی ہے، جس کی ایک طویل تاریخ ہے۔ بنگال سے تحریک آزادی، نشاۃ ثانیہ، سماجی اصلاحات کی تحریک پیدا ہوئی ہے۔ اس لیے اگر اس طرح کی کوئی چیز اگر شروع کی جاتی ہے تو اس سے لوگوں میں شکوک، بداعتمادی اور سیاسی دشمنی پیدا ہو سکتی ہے۔
