جھاڑگرام:مغربی بنگال کی وزیراعلیٰ ممتابنرجی نے آج بیل پہاڑی کا دورہ کرتے ہوئے مقامی باشندوں بالخصوص آدی باسی افراد سے ملاقات کی اور موجودہ صورتحال سے تبادلہ خیال کیا۔West Bengal CM Mamata Banerjee Slam PM Modi On MNRGES Fund Issue
وزیراعلیٰ ممتابنرجی نے کہاکہ مغربی بنگال حکومت کے ماتحت تمام ترقیاتی اسکیم شاندار طریقے سے چل رہیں ہیں۔ لیکن مرکزی حکومت کے تحت چلنے والی اسکیموں میں دشواری ہے۔ یہ دشواری مرکزی حکومت کی جانب سے پیدا کی جا رہی ہے۔
وزیراعلیٰ ممتابنر نی نے کہاکہ بی جے پی کی قیادت والی مرکزی حکومت مغربی بنگال سے جی ایس ٹی کے نام پر کروڑوں روپے وصولی کرتی ہے لیکن اس کے بدلے ہمیں کچھ نہیں دیتی ہے۔
انہوں نے کہاکہ مینریگا اسکیم کے تحت مغربی بنگال میں سو روزہ روزگار اسکیم کے تحت لوگوں کو بڑے پیمانے پر کام مل جاتا ہے لیکن جب انہیں تنخواہ دینے کی بات آتی ہے تو مرکزی حکومت فنڈ جاری نہیں کرتی ہے۔
