کولکاتا:مغربی بنگال کی حکمراں جماعت ترنمول کانگریس کی سربراہ اور وزیر اعلی ممتابنرجی نے کولکاتا میں جلسے کو خطاب کرتے ہوئے بی جے پی کی قیادت والی مرکزی حکومت پر جانچ ایجنسیوں کو سیاسی فائدے کے لئے استعمال کرنے کا الزام لگایا۔ ترنمول کانگریس کے جنرل سیکریٹری ابھیشیک بنرجی کے بیرون ملک سے واپسی کے بعد سے ہی ای ڈی ایک بار پھر سرگرم ہوگئی ہے۔کلکتہ ای ڈی نے جنوبی کلکتہ سمیت جنوبی 24پرگنہ کے کئی مقامات پر تلاشی لی ہے۔وزیر اعلیٰ ممتا بنرجی نے آج کہا کہ مرکزی ایجنسی ان کے اہل خانہ کو پریشان کررہی ہے۔
یہ بھی پڑھیں: JU Student Death جادو پوریونیورسٹی واقعہ کےلئے گورنر ذمہ دار، برتیہ باسو
وزیر اعلیٰ ممتا بنرجی نے کہا کہ ای ڈی ان کی رہائش گاہ ہریش چٹرجی اسٹریٹ میں تلاشی لے سکتی ہے۔ وزیر اعلیٰ ممتا بنرجی نے نیتا جی انڈور اسٹیڈیم میں پوجا کے منتظمین کے ساتھ میٹنگ کی۔ اس میٹنگ میں انہوں نے ای ڈی کی سرگرمیوں پر سوالات کھڑا کرتے ہوئے کہا کہ وہ ہمارے گھر میں آئے روز ہمیں تشدد کا نشانہ بنا رہے ہیں۔ انہوں نے کہا کہ اپوزیشن رہنماوں کو ڈرانے دھماکے کے لئے بی جے پی نے جس طرح سے جانچ ایجنسیوں کا غلط استعال کیا ہے اسے نظر انداز نہیں کیا جاسکتا ہے۔اپوزیشن جماعتوں کے رہنماوں کے خلاف ہی ای ڈی، سی بی آئی کا مسلسل استعمال کیا جا رہا ہے اور یہ سب سے اگلے سال ہونے والے عام انتخابات کے لئے کیا جا رہا ہے۔
