یریاگ راج: مہا کمبھ میلہ دنیا کا سب سے بڑا مذہبی اجتماع ہے، جس میں لاکھوں ہندو عقیدت مند، سادھو، سنت پریاگ راج آتے ہیں اور سنگم پر 'شاہی اسنان' کرتے ہیں۔ ہندو مذہب میں مہا کمبھ میلے کے دوران سنگم میں 'شاہی اسنان' یا مقدس غسل کرنے کی خاص اہمیت ہے اور آج مکر سنکرانتی کے موقعے پر پہلا شاہی اسنان ہو رہا ہے۔ اس موقعے پر رات سے ہی لاکھوں کی تعداد میں عقیدت مند کمبھ میلے میں پہنچنا شروع ہو گئے۔ کمبھ کے دوران، 12 کلومیٹر کے دائرے میں موجود تمام گھاٹوں پر کھچاکھچ بھیڑ جمع ہے۔
گنگا، جمنا اور اساطیری سرسوتی ندی کے سنگم پر اسنان کرنے کا سلسلہ صبح سے ہی جاری ہے۔ خاص طور سے ہندو مذہب کے 13 اکھاڑے صبح 6:15 بجے سے شاہی اسنان میں حصہ لے رہے ہیں۔ اکھاڑوں کے سربراہ رتھ پر سوار ہو کر سادھو، سنتوں اور پیروکاروں کے جلوس کے ساتھ نعرے لگاتے ہوئے سنگم کی طرف بڑھ رہے ہیں۔ راستے کے دونوں طرف ہزاروں عقیدت مند سادھو سنتوں کے درشن اور استقبال کے لیے کھڑے ہیں۔
#MahaKumbhMela2025 | Prayagraj: More than 1 crore devotees have taken a holy dip till 8:30 am today.
— ANI (@ANI) January 14, 2025
Source: Information Department, Government of Uttar Pradesh pic.twitter.com/g5DywGR52H
اس بار مکر سنکرانتی کے موقعے پر صبح سے شام تک بہت شبھ مانا گیا ہے۔ مکر سنکرانتی ایک ایسا تہوار ہے جو سورج کی پوزیشن کی بنیاد پر منایا جاتا ہے۔ مکر سنکرانتی پر گنگا، جمنا اور سرسوتی ندی کے سنگم میں نہانے کی خاص اہمیت ہے۔
شاہی اسنان کیا ہے؟
ہندو مذہب کے مطابق مہاکمبھ میں 'شاہی اسنان' گنگا، جمنا اور اساطیری سرسوتی ندی کے سنگم پر ہوتا ہے۔ اس عمل کو روحانی تذکیہ اور 'پُنرجنم' کے لیے زندگی میں ایک بار ملنے والا موقع مانا جاتا ہے۔
#WATCH | #MahaKumbhMela2025🕉️ | Vibrant sight of Akharas, sadhus and devotees heading towards Sangam for holy dip on Makar Sankranti in Prayagraj pic.twitter.com/eOUqwnf46A
— ANI (@ANI) January 14, 2025
روحانی تزکیہ
ہندو مذہب میں یہ خیال کیا جاتا ہے کہ شاہی اسنان کرنے سے زندگی بھر کے گناہ (پاپ) دھل جاتے ہیں۔ ہندو صحیفوں کے مطابق کمبھ کے دوران سنگم میں اسنان کرنے سے منفی عمل دور ہوتے ہیں، روح پاک ہو جاتی ہے اور اس سے عقیدت مندوں کو روحانیت کے راستے پر چلنے میں مدد ملتی ہے۔
نجات کا دروازہ
ہندو مذہب میں انسانی جسم کو نجات کا دروازہ کہا جاتا ہے۔ موکش یا آزادی کا مطلب پیدائش اور موت کے چکر سے نجات ملنا ہوتا ہے۔ بے شمار ہندو عقیدت مند کمبھ کے موقعے پر تروینی سنگم میں ڈبکی لگاتے ہیں۔
#WATCH | Prayagraj, Uttar Pradesh | Anand Akhada Acharya Mandleswar Balkanand ji Maharaj leads the processions for the first Amrit Snan of #MahaKumbhMela2025🕉️on the auspicious occasion of Makar Sankranti.
— ANI (@ANI) January 14, 2025
Sadhus of the 13 akhadas of Sanatan Dharm will take holy dip at Triveni… pic.twitter.com/fptLFfKOhI
شبھ وقت
مہا کمبھ میلہ ہر 12 سال میں ایک بار ہوتا ہے، جب مخصوص گرہوں (سیاروں) کی پوزیشن سنگم کے پانیوں کو روحانی طور پر طاقتور بناتی ہے۔ آج 13 جنوری 2025 کو پہلے شاہی اسنان کے لیے سب سے شبھ وقت مانا گیا۔ واضح رہے کہ پہلے شاہی اسنان کو امرت اسنان بھی کہتے ہیں۔
مذہبی روایت کو آگے بڑھانے کا موقع
کمبھ میلہ قدیم روایات سے بھرا ہوا ہے جو نسل در نسل چلی آ رہی ہیں اور دریاؤں کے سنگم پر ڈبکی لگانا صدیوں سے چلی آ رہی مذہبی روایات کا ایک اہم حصہ ہے۔
#WATCH | Prayagraj | The first Amrit Snan of #MahaKumbh2025 on the auspicious occasion of Makar Sankranti has started with Sadhus from different Akharas pic.twitter.com/nhU6UXqp93
— ANI (@ANI) January 14, 2025
سادھو سنتوں کا آشیرواد
کمبھ میلے میں پورے بھارت سے سادھو، سنت اور ہندو مذہبی پیشوا جمع ہوتے ہیں۔ ان کے ساتھ سنگم کے شاہی اسنان میں حصہ لے کر عقیدت مند ایک بڑی مذہبی اور روحانی برادری کا حصہ بننے کا احساس کرتے ہیں اور ان کا آشیرواد حاصل کرتے ہیں۔
ذہنی سکون اور توانائی
بہت سے ہندو عقیدت مندوں کا خیال ہے شاہی اسنان کی ڈبکی لگانے سے بے پناہ ذہنی سکون ملتا ہے۔ ان کے مطابق یہ اسنان جسم اور دماغ سے منفی توانائیوں کو دور کرتا ہے اور مثبت سوچ، امید اور مقصد کے تئیں نئے جوش کو جنم دیتا ہے۔
#WATCH | Prayagraj, UP | Surendra Giri ji Maharaj of Anand Akhara proceeds for 'Amrit Snan' at #MahaKumbhMela2025 pic.twitter.com/HssOfzPHlS
— ANI (@ANI) January 14, 2025
دیوتاؤں سے جڑاؤ
سنگم (جہاں ہندو مذہب کی تین مقدس ندیاں ملتی ہیں) کو دیوتاؤں کا گیٹ وے سمجھا جاتا ہے۔ یہاں شاہی اسنان پر ڈبکی لگانے سے عقیدت مند خود کو دیوتاؤں کے ساتھ گہرائی سے جڑنے کا ایک منفرد تجربہ کرنے کا دعویٰ کرتے ہیں۔
اتحاد کا احساس
مہا کمبھ میلہ ہندوؤں کے اجتماعی عقیدے کا جشن ہے۔ لاکھوں ہندو عقیدت مندوں کا ایک ساتھ شاہی غسل کرنے کا عمل انہیں مشترکہ عقیدے اور عقیدت کی طاقت کا مظاہرہ کرنے کا موقع فراہم کرتا ہے۔ مہا کمبھ میلہ نہ صرف ایک مذہبی تقریب ہے بلکہ یہ ہندوؤں کا ایک ثقافتی اجتماع بھی ہے اور یہاں ہندو مذہب و ثقافت کے امتزاج کا زبردست مظاہرہ ہوتا ہے۔
خود شنانی کا سفر
کمبھ میلے میں شاہی اسنان کی مذہبی اہمیت سے ہٹ کر عقیدت مندوں کے لیے اس کا ایک ذاتی تجربہ ہے۔ ہندو عقیدت مند اسے خود شناسی کا ایک منفرد موقع مانتے ہیں، جہاں وہ اپنی زندگیوں پر غور کر سکتے ہیں، ماضی کے بوجھ کو پیچھے چھوڑ سکتے ہیں اور مستقبل کے لیے امید و عزم کا تجربہ کر سکتے ہیں۔
#WATCH | Prayagraj | Maha Kumbh Mela, the meeting point of culture and devotion, sees an ocean of pilgrims joyously head for Amrit Snan, making the most of this once-in-a-lifetime opportunity #MahaKumbhMela2025 pic.twitter.com/zzRVJB8UsY
— ANI (@ANI) January 14, 2025
مہا کمبھ میں شاہی اسنان کب کب ہوگا
پہلا شاہی اسنان 13 جنوری 2025 کو
دوسرا شاہی اسنان 14 جنوری 2025 کو مکر سنکرانتی کے موقعے پر
تیسرا شاہی اسنان 29 جنوری 2025 کو مونی اماواسیہ کے موقعے پر
چوتھا شاہی اسنان 2 فروری 2025 کو بسنت پنچمی کے موقعے پر
پانچواں شاہی اسنان 12 فروری 2025 کو ماگھ پورنیما کے موقعے پر
چھٹا اور آخری شاہی اسنان 26 فروری 2025 کو مہاشیو راتری کے موقعے پر ہوگا۔
