کولکاتا:مغربی بنگال کی حکمراں جماعت ترنمول کانگریس کی سربراہ اور وزیراعلی ممتابنرجی نے کئی اسکیموں اور پروجیکٹ کا افتتاح کرتے ہوئے کہا کہ اب وہ لوگ بھی لکشمی بھنڈار کےلئے درخواست دے سکتے ہیں جن کے پاس ہیلتھ کارڈ نہیں ہے۔جن کے پاس ساٹھ سال کی عمر کے بعد آپ کو ماہانہ ایک ہزار روپے ملیں گے۔ بڑھاپے کے الاؤنس کے لئے درخواست دینے کی ضرورت نہیں۔ بغیر گارنٹی کے بھی آپ کو 5 لاکھ ٹکا تک کا قرض ملے گا۔ دوارے سرکار ایک سرکاری بوتھ ہوگا۔ آپ کو وہاں سے تمام فوائد حاصل ہوں گے۔
نندی گرام تحریک کا ذکر کرتے ہوئے ممتا بنرجی نے کہا کہ یہاں دس دنوں تک تانڈومچا ہوا تھا اور کسی کو بھی یہاں نے ہمت نہیں تھی۔ چندی پور میں میری گاڑی پر پیٹرول بم سے حملہ کرنے کی کوشش کی گئی۔ مجھ پر بہت ظلم ہوا ہے۔ اس کے بعد بھی مجھے جدوجہد سے کوئی نہیں روک سکا۔ آج کچھ لوگ بڑی بڑی باتیں کررہے ہیں۔
اپوزیشن کی تنقید کرتے ہوئے ممتا بنرجی نے کہا کہ میں میدان جنگ چھوڑنے والی نہیں ہوں۔ سی پی ایم کے دور میںبھی غنڈی گردی کا مقابلہ کیا ۔اپنی زندگی سے کھیل کر لوگوں کی زندگی سے بچائی ہے ۔ میں نے غنڈہ گردی، لوگوں کی زندگیوں سے کھیلتے، تالابوں کو زہر آلود کرتے، ہاتھ کاٹتے، ٹانگیں کاٹتےدیکھا ہے۔میں بی جے پی کے دور میں فسادات دیکھ رہی ہوں۔ روزے کا مہینہ چل رہا ہے، اناپورنا پوجا چل رہی ہے۔ رام نومی کا جلوس 5 دن کیوں ہوگا؟ رام نوامی کے دن جلوس نکالیں۔ ہمیں کوئی اعتراض نہیں ہے۔ لیکن بندوقوں اور بموں کے ساتھ مارچ کرنے کی اجازت نہیں دی جائے گی۔اجازت نہیں ملنے کے باوجود جلوس نکالا جارہا ہے۔ اتنی سڑکیں ہونے کے باوجود یہ اقلیتی علاقوں میں داخل ہو رہی ہے۔ وہاں پھلوں کی گاڑیاں جلا دی گئیں۔ بندوقوں کے ساتھ رقص کیا جارہا ہے۔
