اڑیسہ کے بھونیشور میں سکیورٹی امور سے متعلق اہم میٹنگ میں شرکت کر نے پہنچی مغربی بنگال کی وزیراعلیٰ ممتابنرجی نے شمالی مشرق دہلی تشدد پر قابو پانے میں ناکامی پر وزیرداخلہ امت شاہ سے استعفیٰ کا مطالبہ کیا۔ وہ اپنی ذمہ داری نبھانے میں ناکام رہے ہیں۔
مغربی بنگال کی ممتابنرجی نے کہاکہ دہلی تشدد پر قابو پانے میں بی جے پی کی قیادت والی مرکزی حکومت پوری طرح سے ناکام ثابت ہوئی ہے۔ مرکی حکومت نے دہلی تشدد کے لئے ذمہ دارانہ رول ادا نہیں کیا ہے۔
انہوں نے کہاکہ دارلحکومت دہلی کے شمال مشرق علاقے میں پانچ دنوں تک جھڑپوں کا سلسلہ جاری رہا۔ اس دوران تیس سے زیادہ افراد کی موت ہو ئی۔ درجنوں مکانات اور دکانوں میں توڑ پھوڑ کی گئی لیکن مرکزی حکومت خاموش رہی۔
ترنمول کانگریس کی سربراہ کاکہنا ہے کہ ایسی کیا وجہ تھی کہ مرکزی حکومت نے تشدد روکنے کے لئے سخت قدم نہیں اٹھائی۔ مرکزی حکومت کی خاموشی کی وجہ سے متعدد لوگوں کی موت ہوئی۔
وزیر اعلیٰ نے کہاکہ میں صرف تنا ہی کہنا چاہتی ہوں کہ دہلی میں جلد سے جلد حالات کو معمول پر لانے کی کوشش کی جائے۔ ورنہ مستقبل میں مزید نقصانات ہو سکتے ہیں۔
انہوں نے کہاکہ دہلی میں پانچ دنوں تک جاری تشدد کے سبب میں ہی نہیں بلکہ بھارت کے تمام لوگوں کو مایوسی ہوئی۔ اس واقعے پر بے حد افسوس ہے ۔ لوگوں کی موت ہوئی ہے۔ حالات خراب ہیں لیکن کسی اس کی کوئی پراہ ہی نہیں ہے۔
ممتابنرجی کے مطابق تشدد کے دوران آ ئی بی افسر اور پولیس ہلکار سمیت عام لوگوں کی موت پر افسوس ہے۔ ان کے گھروالوں سے ہمدردی ہے لیکن کچھ ذمہ داریاں ہماری بھی ہیں جنہیں ہمیں نبھانی ہے۔
واضح رہے کہ گزشتہ 24 فروری کو دہلی کے شمال مشرق میں شہریت ترمیمی ایکٹ کی مخالفت اور اس کے حامیوں کے درمیان جھڑپ میں متعدد افراد کی موت ہو ئی تھی۔
