مغربی بنگال کی وزیر اعلیٰ ممتابنر جی نے مزکزی حکومت کی جانب سے آرٹیکل 370 کو ختم کیے جانے کی مخالفت کر تے ہوئے کشمیر کے سیاسی رہنما ؤں کو جلد سےب جلد بلا شرئط رہا کرنے کا مطالبہ کیا۔
ریاستی وزیر اعلیٰ ممتا بنر جی نے بالاخر مرکز ی حکومت کی جانب سے آرٹیکل370 ختم کیے جانے پر اپنئ خاموشی توڑتے ہوئے بی جے پی کی قیادت والی حکومت کی تنقید کی ۔
انہوں نےکہا کہ ہم اس بل کی حمایت نہیں کرتے ہیں ۔ یہ بل قبول نہیں ہے ۔ اس بل کو پاس کرکے مرکزی حکومت نے بھارتی عوام کو دھوکہ دی ہے ۔
جموں و کشمیر کی موجودہ صورتحال پر تبصرہ کرتے ہوئے ممتابنرجی نے کہا کہ کشمیر کے سیاسی راہنماؤں کے ساتھ اس طرح کا سلوک کیا جا رہا ہے کہ جیسے وہ دہشت گرد ہیں۔
انہوں نے کہاکہ مجھے نہیں معلوم کہ فاروق عبداللہ، عمر عبداللہ اور محبوبہ مفتی کہاں ہیں۔ کشمیر کے لوگ خود کو اکیلا نہ سمجھے ۔ہم ان کے ساتھ ہیں ۔
ممتابنرجی نے مزید کہا کہ حکومت کو چاہیے تھا کہ اس بل کے سلسلے میں تمام سیاسی جماعتوں کو اعتماد میں لیا جائے اور اگر آپ کشمیر کا مستقل حل چاہتی ہیں تو بات چیت کے ذریعہ کیا جا سکتا ہے۔
