مغربی بنگال کے دارجلنگ میں عظیم مجاہد آزادی اور آزادہند فوج کے بانی نیتاجی سبھاش چند ربوس کے یوم پیدا ئش کے موقع پر جلسے کو خطاب کرتے ہوئےوزیراعلیٰ ممتابنرجی نے کہاکہ آزادی سے قبل اور آزادی کے بعد وہ حقیقی ہرو تھے۔
انہوں نے کہاکہ بی جے پی آج سی اے اے اور این آر سی کے نام پر لوگوں کو تقسیم کرنے کی سازش میں مصروف ہے۔ مذہب کے نام پر لوگوں کو شہریت دینے کی بات کرتی ہے ۔
ترنمول کانگریس کی سربراہ کاکہنا ہے کہ بی جے پی کو نیتا جی کے آئیڈیولوجی یاد نہیں ہے۔ بیتاجی تمام مذاہب کے لوگوں کو اپنے ساتھ لے کر چلتے تھے۔ اس کی سب سے بڑی مثال شہنواز حسین ہیں جو آزادی ہند فوج میں نیتاجی کے ساتھ قدم سے قدم ملا کر چلتے تھے۔
وزیرا علیٰ ممتا بنرجی نے مرکزی حکومت کی سخت تنقید کرتے ہوئے کہا کہ نیتاجی سبھاش چندر بوس کے یوم پیدائش کو قومی تعطیل قرار دیا جائے۔وزیرا علیٰ ممتا بنرجی 2011میں اقتدار میں آنے کے بعد 23جنوری کو ریاستی سطح پر تعطیل دینے کا اعلان کیا تھا۔
انہوں نے کہا کہ بی جے پی نے نیتاجی سبھاش چند بوس سے متعلق تما فائلوں کو عام کرنے کا وعدہ کیا تھا مگر آج تک اس وعدے کو پوار نہیں کیا جاسکا۔
ترنمول کانگریس کی سربراہ اور وزیر اعلیٰ نے کہا کہ یہ شرم کی بات ہے کہ ہندوستان کی آزادی کو 70سال ہوچکے مگر اب تک نیتاجی سبھاش کی موت کا معمہ حل نہیں ہوسکا ہے۔
وزیراعلیٰ نے کہا کہ نیتاجی سبھاش چندر کماربوس نے ہندوستان کو متحد رکھنے کیلئے سیکولر آئیڈیا پیش کیا اور یہی وجہ ہے کہ ان کے آزاد ہند فوج میں ہند،مسلم،سکھ اور عیسائی سب شامل تھے۔
مغربی بنگال سمیت ملک کی دیگر ریاستوں میں نیتاجی کے یوم پید ائش کے موقع پر مختلف تقریبات کا اہتمام کیا گیا ہے۔
خیال رہے کہ کل وزیر اعلی ممتا بنرجی نے دارجلنگ میں این آر سی سی اے اور ان پی آر کے خلاف ایک بڑی ریلی کی قیادت کی تھی۔اس ریلی میں بڑی تعداد میں لوگ شامل تھے۔
