مغربی بنگال کی وزیراعلیٰ ممتا بنرجی نے پبلک سیکٹر کمپنیوں کی نج کاری کرنے کی تجویز پر مرکزی حکومت کو آڑے ہاتھوں لیا ۔
مرکزی حکومت کی تجویز کی تنقید کرتے ہوئے کہا کہ ریلوے،ائیر انڈیا،درگاپور اسٹیل،بی ایس این ایل جو ملک کا سرمایہ ہے اسے فروخت کیا جارہا ہے۔وزیر اعلی نے لکھا ہے کہ کم سے کم 45کمپنیاں ایسی ہیں جنہیں فروخت کیا جانا ہے۔مجموعی صورت حال یہ ہے کہ ملک کی معیشت اس وقت بحرانی صورت حال سے دوچار ہے۔خسارےبڑھ رہا ہے۔
ممتا بنرجی نے کہا کہ زراعت،صنعت اور روزگار کے مواقع ملک کی معیشت کی ریڑھ ہیں۔اگر صنعت کاروں کے حوصلہ پست کئے جائیں گے تو روزگار کہاں سے پیدا ہوں گے اور ملک میں تیزی سے نوجوان بے روزگار ہوں گے اور اس سے دیگر مسایل بھی پیدا ہوں گے۔
سیاسی جماعتیں ہارس ٹریڈنگ اور سیاسی بنیاد پر کارروائی کئے جانے کی وجہ سے خوف زدہ ہیں۔
دوسری جانب ملک کی معاشی ترقی دن بدن روبہ زوال ہے۔2018-19میں معاشی ترقی کی شرح 5.8فیصد تک پہنچ گئی ہے۔
اسی طرح گزشتہ پانچ سالوں میں بے روزگاری نے 45سالوں کا ریکارڈ توڑدیا ہے۔
