مغربی بنگال کی وزیراعلیٰ ممتابنرجی اور بنگلہ دیش کی وزیراعظم شیخ حسینہ واجد ایڈن گارڈن میں گھنٹی بجاکربھارتی کرکٹ کی تاریخ کاپہلاڈے نائٹ ٹسٹ میچ کا افتتاح کریں گی۔
کرکٹ ایسوسی ایشن آف بنگال کے جوائنٹ سکریٹری ابھیشک ڈالیمانے کہاکہ آئندہ 22 نومبر سے شروع ہونے والے پہلے ڈے نائٹ ٹسٹ میچ کو یادگاربنانے کی ہرممکن کوشش کی جاریہی ہے۔
انہوں نے کہاکہ مغربی بنگال کی وزیراعلیٰ ممتابنرجی اور بنگلہ دیش کی وزیر اعظم شیخ حسینہ واجد ایڈن گارڈن میں لگے اعزای گھنٹی بجا ئیں گی۔ ان کے ہاتھوں تاریخ کاپہلا ڈے نائٹ ٹسٹ میچ کا افتتاح ہوگا۔
جوائنٹ سکریٹری کے مطابق اس تاریخی موقع پر وزیراعظم نریندر مودی کے بھی رہنے کا امکان ہے۔ ان کے علاوہ ماسٹر بلاسٹر سچن تندولکر ،ٹینس اسٹارثانیہ مرزااورشطرنج کے اسٹارکھلاڑی وشواناتھ آنندشرکت کریں گے۔
اس موقع پر خاتون اسٹار باکسرایم سی میریکوم اوربیڈمنٹن اسٹارپی وی سندھو،ٹینس اسٹارلینڈرپیس ،بیڈمنٹن کوچ گوپی چندکو خصوصی ایوارڈ سے نوازا جائے گا۔
کرکٹ ایسوسی ایشن آف بنگال نے بنگلہ دیشی کھلاڑیوں کوخصوصی اعزازسے نوازنے کا فیصلہ کیا گیا ہے۔
واجح رہے کہ ٹسٹ کرکٹ کی تاریخ میں اب تک بھارت،بنگلہ دیش ،افغانستان اور آئرلینڈ کی ٹیمیں ایسی ہیں جنہیں اب تک ڈے نائٹ ٹسٹ میچ کھیلنے کاموقع نہیں ملا ہے۔
