مغربی بنگال میں اسمبلی انتخابات کے مدنظر شہریت ترمیمی ایکٹ کا معاملہ ایک بار پھر طول پکڑنے لگا ہے۔
ندیا ضلع کے راناگھاٹ شہر میں بی جے پی کے رکن پارلیمان شانتین ٹھاکر کی قیادت میں شہریت ترمیمی ایکٹ کی حمایت میں جلوس کا اہتمام کیا گیا۔
رکن پارلیمان شانتین ٹھاکر نے کہا کہ مغربی بنگال میں شہریت ترمیمی ایکٹ بہت ہی ضروری ہے۔
انہوں نے کہا کہ اس کے بغیر متوا سماج کو اصل نہ شناخت نہیں مل سکتی ہے اور نہ ہی شہریت۔
رکن پارلیمان کا کہنا ہے کہ متوا سماج کو شہریت ترمیمی ایکٹ کی کھل کر حمایت کرنی چاہئے۔ ضرورت پڑی تو اس کے لئے تحریک بھی چلائیں گے۔
دوسری طرف ترنمول کانگریس کی جانب شہریت ترمیمی ایکٹ کے خلاف احتجاجی جلوس کا انعقاد کیا گیا۔
ترنمول کانگریس کی رکن پارلیمان مہوا مویترا سی اے اے مخالف ریلی کی قیادت کی۔
ترنمول کانگریس کی رکن پارلیمان مہوا مویترا کا کہنا ہے کہ مغربی بنگال میں جب تک ممتا بنرجی کی حکومت رہے گی اس وقت تک سی اے اے نافذ نہیں ہو سکتا ہے۔
انہوں نے کہا کہ ترنمول کانگریس شہریت ترمیمی ایکٹ کی مخالفت کرتی اور مستقبل میں کرتی رہے گی۔
مہوا مویترا کا کہنا ہے کہ مغربی بنگال کے عوام کو شہریت ترمیمی ایکٹ کے بارے میں اچھی طرح سے معلومات ہے اس لئے وہ آس کی مخالفت کر رہے ہیں۔
واضح رہے کہ امت شاہ مغربی بنگال دورے کے دوران بی جے پی کے تمام ارکان پارلیمان کو شہریت ترمیمی ایکٹ کی حمایت میں تحریک چلانے کی ہدایت دی تھی۔
