کولکاتا : مغربی بنگال اور اتر پردیش کی ٹیمیں انٹر اسٹیٹ یوتھ اینڈ جونیئر نیشنل ٹیبل ٹینس چیمپئن شپ کے 85 ویں ایڈیشن کے فائنل میں ٹکرائیں گی ۔ دونوں ریاستوں کی ٹیموں کے درمیان دلچسپ اور سنسنی خیز مقابلے کا امکان ہے۔ جمعہ کی رات کھیلے گئے پہلے سیمی فائنل میں میزبان ٹیم نے تمل ناڈو کو 3-0 سے اور دوسرے سیمی فائنل میں یوپی نے نیشنل سینٹر فار ایکسیلنس (این سی او ای) کو 3-1 سے شکست دی ۔
انکور بھٹاچارجی نے اپنے تیز رفتار گیم پلان سے تھرون شنموگم کو ہرا کر بنگال کو 1-0 سے آگے کر دیا۔ دوسری طرف بودھی ستوا نے پی بی کو شکست دی۔ شنکردیپ نے بالامورگن کے خلاف کام مکمل کیا۔
