مغربی بنگال کے شمالی 24 پرگنہ کے بیرکپور سب ڈویژن جوٹ انڈسٹری کی وجہ سے پوری دنیا میں مشہور ہے اور اس کا ایک منفرد مقام بھی ہے۔لیکن گزشتہ چند برسوں سے یہ صنعتی خطہ(بیرکپور سب ڈویژن) سیاسی چقلش بازی کا شکار ہے اور عام لوگوں کو اس کا بھاری خمیازہ بھگتنا پڑ رہا ہے۔شمالی 24 پرگنہ کے بیرکپور کے عوام ان دنوں خستہ حال سڑکوں سے بے حال ہیں اور انتظامیہ کے کانوں پر جوں تک نہیں رینگتی۔
سڑکوں کا حال یہ ہے کہ گاڑیاں تو دور کی بات ہے عام لوگوں کو ان سڑکوں سے گزرتے وقت بڑی دشواریوں کا سامنا کرنا پڑتا ہے۔
گیارولیا میونسپلٹی ایڈمنسٹریٹو بورڈ کے سربراہ رابن داس نے ای ٹی وی بھارت سے خصوصی گفتگو کرتے ہوئے کہا کہ چند علاقوں میں سڑکوں کا حال برا ہے۔ بہت پہلے سڑکوں کی مرمت کا کام شروع ہو جاتا لیکن مسلسل بارش کی وجہ سے کام شروع نہیں ہو سکا۔
یہ بھی پڑھیں: کلکتہ فٹبال لیگ: محمڈن اسپورٹنگ سیمی فائنل میں، بھوانی پور ایف سی کو شکست
انہوں نے کہا کہ بارش کے بعد تہواروں کا سیزن شروع ہو چکا ہے جس کی وجہ سے مرمت کا کام شروع کرنے میں تاخیر ہوئی ہے لیکن اس بات کی یقین دہانی کرائی جا سکتی ہے کہ لوگوں کو خستہ حال سڑکوں سے بہت جلد نجات مل جائے گی۔
انہوں نے کہا کہ مغربی بنگال حکومت کی جانب سے اعلان کردہ 'پاتھ ساتھی' منصوبہ کے تحت شمالی 24 پرگنہ کے مختلف میونسپلٹی علاقوں میں خستہ حال سڑکوں کی مرمت کا کام کیا جائے گا۔
