مغربی بنگال مدرسہ بورڈ کے امتحانات کا آج آغاز ہوا۔ پہلا پرچہ پر امن گزرا۔ مغربی بنگال میں مسلمانوں کی 27 فیصد آبادی ہے اور کثیر تعداد میں طلبا، ان مدارس میں پڑھتے ہیں۔
حکومت سے منظور شدہ اور غیر منظور شدہ مدارس کی تعداد 614 ہیں۔ ان میں صرف 227 ہی مدارس حکومت کے تعاون سے چلتے ہیں۔ باقی حکومت سے منظور شدہ ہیں لیکن ان کو کوئی مالی تعاون نہیں ملتا ہے۔
صرف مدرسہ بورڈ امتحانات میں شرکت کی منظوری حاصل ہے۔ بنگلہ بولنے والے مسلمانوں کی ایک بڑی تعداد ان مدراس میں تعلیم حاصل کرتی ہے۔ ہگلی مدرسہ اور عالیہ مدرسہ بنگال کے تاریخی مدارس ہیں۔
آج مغربی بنگال مدرسہ بورڈ 2020 کے امتحانات کے پہلے روز پہلا پرچہ اردو اور بنگلہ زبان کا تھا جو پر امن رہا۔ کل 68 ہزار طلبا نے اس بار مدرسہ بورڈ کے امتحانات میں شرکت کی۔ وہیں نقل روکنے کے لئے سخت نگرانی کا انتظام تھا۔
بورڈ کے اعلی عہدے داروں نے مختلف امتحانات مراکز کا دورہ کیا آئندہ کل عربی کا امتحان ہے۔امتحان کے بعد کچھ طلباء کا کہنا تھا،کہ پہلا پرچہ بہت اچھا رہا سوالنامہ حل کرنے میں کسی طرح کی کوئی پریشانی نہیں ہوئی ۔
مدرسہ بورڈ کے امتحانات آئندہ 22 فروری تک جاری رہیں گے اسی ہفتے مدھیامک بورڈ کے امتحانات بھی ہونے والے ہیں جس میں پانچ لاکھ سے طلباء شرکت کرنے والے ہیں۔
