مغربی بنگال کے دارلحکومت کولکاتامیں واقع تاریخی ادارہ کلکتہ خلافت کمیٹی کی جانب سے آج ناخدا مسجد کے پاس سے سی اے اے اور این آر سی کے خلاف خاموش ریلی نکالی گئی۔
اس ریلی کی حمایت شہر کے دوسرے ملی و تعلیمی اداروں نے بھی کی ہزاروں افراد نے ناخدا مسجد سے سنٹرل ایونیو سے ہوتے ہوئے پارک سرکس میدان تک پیدل مارچ کیا۔
اس خاموش ریلی کی قیادت امام عیدین قاری فضل الرحمن نے کی ان کے علاوہ ریلی میں ترنمول کانگریس کے ایم ایل اے جاوید خان اور جماعت اسلامی کے ریاستی صدر مولانا عبدالرفیق بھی شامل تھے۔
ریلی کا اختتام پارک سرکس میدان میں ہوا جس کا مقصد پارک سرکس میدان میں دھرنے پر بیٹھی خواتین کی حوصلہ افزائی کرنا تھا اج پارک سرکس میدان میں میں کافی تعداد میں خواتین جمع ہوئی تھیں۔
پارک سرکس میدان میں دھرنے پر بیٹھی خواتین سے خطاب کرتےہوئے قاری فضل الرحمن نے کہا کہ ملک کے جو موجودہ حالات ہیں اس طرح کے حالات پہلے کبھی نہیں ہوئے ہمارے بہت بڑا چلینج ہے۔
ہمیں اس لڑائی جاری رکھنا پڑے جب تک کہ ہم جیت نہ جائیں اور اس بار جو لڑائی ہے اس کی خاص بات یہ ہے کہ خواتین پیش پیش ہیں اور یہی ہماری جیت کو کوئی یقینی بنا رہی ہے
اس،موقع پر پارک سرکس میدان میں سی اے اے اور این آر سی کے خلاف لڑائی میں کامیابی کے لئے خصوصی طور پر دعا کا اہتمام کیا گیا مولانا قاری فضل الرحمن نے ملک کی سلامتی کے لئے دعا کی گئی۔
