مغربی بنگال میں فرفرا شریف خانقان کے کافی پیروکار ہیں اور اس کی بنگلہ مسلم معاشرے میں کافی اہمیت ہے پورے ملک میں لاک ڈاؤن جاری ہے اور کسی طرح کی بھیڑ اکٹھا کرنے کی اجازت نہیں ہے۔
فرفرا شریف میں سالوں بھر ان کے پیروکاروں کا تانتا لگا رہتا ہے۔لیکن کورونا وائرس کہیں وبائی شکل اختیار نہ کرے اس کے مد نظر بھیڑ یا اجتماع پر پابندی لگا دی گئی ہے ۔
لاک ڈاؤن کے دوران فرفرا شریف میں بھی کسی طرح کی بھیڑ نہ ہو اس،سلسلے میں فرفرا شریف خانقان کے پیر زادہ طحی صدیقی نے لوگوں سے اپیل کی ہے کہ ملک میں ایک مہلک مرض کا وبائی شکل اختیار کرنے کا اندیشہ ہے جس کو روکنے کے لئے اجتماع پر پابندی لگانا بہت ضروری ہے اور یہی سب سے کارگر دوا ہے.
اس لئے انہوں نے لوگوں سے اپیل کی ہے کہ وہ لاک ڈاؤن پر عمل کریں اور اس درمیان کسی کو بھی فرفرا شریف خانقان تشریف لانے کی ضرورت نہیں ہے۔
انہوں نے کہا کہ یہ کوئی مذہبی اپیل نہیں بلکہ یہ سب کے لئے ہے اپنے گھروں میں رہیں غیر ضروری طور پر گھر سے باہر نہ نکلیں۔انہوں نے کہا کہ اپنے علاقے کی مسجدوں میں نماز پڑھیں۔لیکن بھیڑ نہ لگائیں اور مسجدوں میں اذان اور نماز بند نہ ہو۔لیکن بھیڑ نہ لگائیں گھروں میں رہیں۔
