خیال رہے کہ کل ہگلی ضلع کے ناب گرام ہیرالال پال کالج کے پروفیسر سبرتا چٹرجی نے الزام عاید کیا تھاکہ ممتا بنرجی اور ترنمول کانگریس زندہ باد نعرہ نہ لگانے پر ان کے ساتھ بدسلوکی کی گئی اور کچھ لوگوں نے ان پر ہاتھ بھی اٹھا یا۔
پولس نے بتایا کہ پروفیسر پر حملہ کرنے کے الزام میں دو افراد کو گرفتار کیا گیا ہے۔ اس معاملے میں گرفتار دونوں افراد اس کالج کے طالب علم نہیں ہیں ۔ ان سے پوچھ گچھ کی جارہی ہے ۔ اس کیس میں مزید لوگوں کی گرفتاری عمل میں آ سکتی ہے۔
پولس نے بتایا کہ پروفیسر کی شکایت پر ہم نے دو افراد سندیپ پال اور بجے سرکار کو گرفتار کیا ہے۔یہ دونوں کالج کے طالب علم نہیں ہیں ۔ یہ پتہ، گانے کی کوشش کی جارہی ہے کہ دونوں کا کالج میں ہنگامہ برپا کرنے کا اصل مقصد کیا تھا۔
واضح رہے کہ نیتا جی اوپن یونیورسٹی کا پروگرام اس کالج میں تھا۔اس وقت ترنمول چھاتر پریشدکے کچھ ممبران اور طالبات کے درمیان تنازع کی شروعات ہوئی۔ اس کے بعد یہ تنازع بڑا ہوگیا۔
ترنمول چھاتر پریشد کے ممبران طالبات کو کالج سے نکل جانے کو کہہ رہے تھے۔طالبات نے کہا کہ یہ لوگ طالبات کو ممتا بنرجی کے حق میں نعرہ لگانے کو کہہ رہے تھے۔اس وقت پروفیسر چٹرجی نے مداخلت کی تو ان کے ساتھ بھی کچھ لوگوں نے بدسلوکی کی۔
