چنئی: تمل ناڈو کے دارالحکومت چنئی سے ایک دردناک واقعہ سامنے آیا ہے۔ معلومات کے مطابق کندرتھور میں چوہے کا زہر ہوا میں مل گیا جس کی وجہ سے دو چھوٹے بچوں کی موت ہو گئی۔ ساتھ ہی اس کے والدین کی حالت تشویشناک بتائی جارہی ہے۔ پتہ چلا کہ گھر میں چوہے مارنے کی زہر یلی دوائی رکھی ہوئی تھی۔ اس کے بعد ہوا سے اڑ کر کمرے میں ہوا میں پھیل گئ جس کی وجہ سے یہ واقعہ پیش آیا۔
معلومات کے مطابق کندرتھور کے رہنے والے 34 سالہ گریدھرن اور اس کی بیوی پاویترا اپنے دو بچوں ویشنوی اور سائی سدرشن کے ساتھ ایک فلیٹ میں رہتے ہیں۔ بدھ کی صبح گریدھرن، بیوی پاویترا اور ان کے دو بچوں کو اچانک چکر آنا اور الٹی ہونے لگی۔ پڑوسیوں کو جب اس کا علم ہوا تو وہ اسے اسپتال لے گئے۔
بچوں کی موت
دونوں بچے ویشنوی اور سائی سدرشن کی اسپتال لے جانے کے دوران موت ہوگئی۔ جبکہ والدین کی حالت انتہائی تشویشناک ہے۔ وہیں ڈاکٹروں کا کہنا ہے کہ دونوں کی حالت انتہائی تشویشناک ہے تاہم علاج جاری ہے۔
چوہوں نے ہنگامہ کھڑا کر دیا تھا
واقعہ کی اطلاع ملتے ہی پولیس نے موقع پر پہنچ کر تفتیش شروع کردی۔ تحقیقات سے معلوم ہوا کہ خاندان چوہوں سے بری طرح پریشان تھا۔ چوہوں نے گھر کا سارا سامان خراب کر دیا تھا۔ گریدھرن نے گھر سے چوہوں کو بھگانے کے لیے پیسٹ کنٹرول کمپنی سے مدد مانگی۔ کمپنی سے دو لوگ آئے اور چوہے کا زہر پاؤڈر کی شکل میں رکھا۔ یہ پاؤڈر ہوا میں مل گیا اور یہ حادثہ پیش آیا۔ رات کو پورا خاندان اے سی چلا کر کمرے میں سو رہا تھا۔ ہوا میں رکھا زہر اپنا اثر دکھانے لگا اور سب بیمار ہو گئے۔ صبح اٹھتے ہی سب کو چکر آنے لگے اور پھر الٹیاں ہونے لگیں۔
پولیس نے بتایا کہ پیسٹ کنٹرول کمپنی کے تین افراد کے خلاف ایف آئی آر درج کر لی گئی ہے اور مزید تفتیش جاری ہے۔ کندرتھور پولس نے تیزی سے کارروائی کرتے ہوئے کمپنی کے ایک شخص دھناکرن کو گرفتار کرلیا جبکہ دو افراد فرار ہوگئے۔
