West Bengal Municipal Elections: میونسپل انتخابات میں ترنمول کانگریس کے لیڈران باغی

شمالی 24 پرگنہ کے گیارولیا میونسپلٹی West Bengal Municipal Elections کے وارڈ نمبر نو سے آزاد امیدوار مقصود حسن اپنی ہی پارٹی ترنمول کانگریس کے خلاف آزاد امیدوار کی حیثیت سے انتخابی میدان میں ہیں۔

مغربی بنگال میں 27 فروری کو 108 میونسپلٹیوں کے لئے ہونے والے انتخابات West Bengal Municipal Elections میں حکمراں جماعت ترنمول کانگریس کو اپنے ہی باغی رہنماوں کہ مخالفت کا سامنا ہے۔

ترنمول کانگریس کی جانب سے بلدیاتی انتخابات میں ٹکٹ نہیں ملنے سے ناراض بیشتر رہنماؤں نے آزاد امیدوار بن کر اپنی ہی پارٹی کے امیدوار کے خلاف انتخابی میدان میں دو دو ہاتھ کرنے کے لئے تیار ہیں۔

اسی درمیان شمالی 24 پرگنہ کے گیارولیا میونسپلٹی کے وارڈ نمبر نو سے آزاد امیدوار مقصود حسن اپنی ہی پارٹی ترنمول کانگریس کے خلاف آزاد امیدوار کی حیثیت سے انتخابی میدان میں قسمت آزمانے کا فیصلہ کیا۔

پاسدارن پاسبان کے سربراہ، سماجی کارکن مقصود حسن نے ای ٹی وی بھارت سے گفتگو کرتے ہوئے کہا کہ وہ ترنمول کانگریس کے خلاف نہیں بلکہ پارٹی کے اصولوں کے خلاف ہیں۔انہوں نے کہا کہ ترنمول کانگریس نے ان رہنماؤں کو نظر انداز کر دیا ہے جو اس کے برے دنوں میں پش پش تھے۔ برے وقت میں اپنی جان کی پراہ کئے بغیر پارٹی کو مضبوط بنانے والے لوگ آج تنہا رہ گئے ہیں۔سماجی کارکن مقصود حسن کے مطابق وہ تنہا نہیں ہیں ریاست کے تمام اضلاع میں ترنمول کانگریس کے رہنما اپنی ہی پارٹی کے امیدوار کے خلاف انتخابی میدان میں ہیں۔ان کا کہنا ہے کہ جہاں تک بلدیاتی انتخابات کی بات ہے تو آزاد امیدوار کی حیثیت سے پہلی مرتبہ کاؤنسلر بنے تھے اور ایک بار پھر آزاد امیدوار کی حیثیت ہی جیتے گے۔ مزید پڑھیں:

واضح رہے کہ مغربی بنگال کی حکمراں جماعت ترنمول کانگریس Trinamool Congress نے آزاد امیدوار کی حیثیت سے انتخابی میدان میں اتر چکے اپنے باغی رہنماؤں کو پارٹی کے امیدواروں کی حمایت کرنے ہدایت دی ہے۔ اگر کوئی ایسا نہیں کرتا ہے تو انہیں پارٹی سے معطل کر دیا جائے گا. اسی درمیان ندیا، مدنی پور، بردوان سمیت مختلف اضلاع میں درجنوں سیاسی رہنماؤں کو پارٹی نے معطل کر دیا ہے.