مغربی بنگال پردیش کانگریس کے صدر ادھیر چودھری نے ترنمول کانگریس پر نکتہ چینی کی۔ انھوں نے ترنمول کانگریس کے اس الزام کی مذمت کی جس میں یہ کہا گیا کہ پردیش کانگریس کے بی جے پی سے تعلقات ہے۔انہوں نے سخت لہجے میں ٹی ایم سی پر نکتہ چینی کرتے ہوئے کہا کہ جب مرکز میں پہلی بار بی جے پی کی حکومت بنی تھی تو اس میں وزیر ممتا بنرجی بنی تھیں۔ بنگال میں بی جے پی کے ساتھ ممتا بنرجی ہی نے الیکشن میں اتحاد کیا تھا۔کانگریس کے ساتھ کس کے تعلقات ہیں یہ سب کو معلوم ہے۔
پردیش کانگریس کے صدر ادھیر چودھری ترنمول کانگریس کے سخت مخالف مانے جاتے ہیں۔یہی وجہ ہے کہ ان کے پردیش کانگریس کے صدر بنتے ہی ترنمول کانگریس کی جانب سے کانگریس کے متعلق رد عمل سامنے آنے لگے ہیں۔ترنمول کانگریس کی جانب سے ریاستی کانگریس پر الزام لگایا گیا کہ اس کے بی جے پی سے تعلقات ہیں۔جس پر پردیش کانگریس کے نو منتخب صدر ادھیر چودھری نے ترنمول کانگریس پر سخت لہجے میں نکتہ چینی کرتے ہوئے کہا کہ ترنمول کانگریس کو کانگریس پر الزام لگانے سے قبل اپنے گریبان میں جھانکنا چاہئے۔
بنگال کےپارلیمانی انتخابات میں بی جے پی کے ساتھ کس نے اتحاد کیا تھا یہ سب کو معلوم ہے۔جب ممتا بنرجی آر ایس ایس کی دعوت پر دہلی گئیں تھی۔اس تقریب میں ممتا بنرجی نے کہا تھا کہ آر ایس ایس ملک کی سب سے بڑی محب وطن تنطیم ہے۔ترنمول کانگریس کو پہلے اپنی تاریخ دیکھنا چاہیے۔
ادھیر چودھری نے کہا کہ جب سے پردیش کانگریس کا صدر مجھے بنایا گیا ہے۔ترنمول کانگریس کو یہ بات ہضم نہیں ہو رہی ہے۔اسی لئے مجھے بدنام کر رہے ہیں۔ ترنمول کانگریس آج بھی بی جے پی کی دلالی کر رہی ہے۔اسی لئےچھٹ پوجا کو لیکر سیاست کر رہی ہے۔گرین ٹریبونل کی طرف سے اجازت نہ ملنے کے بعد ترنمول کانگریس چھٹ پوجا کرانے کے لئے عدالت جانے کی بات کر رہی ہے۔اس طرح ترنمول کانگریس بی جے پی کی مدد کر رہی ہے۔
یہ بھی پڑھیں:کولکاتہ: آگ زنی متاثرین سے ریاستی وزیر صدیق اللہ چودھری کی ملاقات
