دہلی : بی جے پی کے ہاتھوں شکست کا سامنے کرنے والے عام آدمی پارٹی کے کنوینر اروند کیجریوال جو اپنے حلقہ نئی دہلی سے بھی ہارگئے نے کہا کہ وہ عوام کے فیصلہ کو قبول کرتے ہیں۔ انہوں نے کہا کہ ان کی پارٹی اقتدار کے لیے سیاست میں نہیں ہے۔ سابق وزیر اعلیٰ نے یہ بھی کہا کہ عام آدمی پارٹی ایک تعمیری اپوزیشن کا کردار ادا کرے گی اور عوام کی خدمت کو جاری رکھا جائے گا۔
दिल्ली चुनाव के नतीज़ों पर AAP के राष्ट्रीय संयोजक @ArvindKejriwal जी का संदेश pic.twitter.com/BKyCnkSQtc
— AAP (@AamAadmiParty) February 8, 2025
یہ واضح ہونے کے کچھ دیر بعد کہ بی جے پی دہلی کی 70 میں سے کم از کم 45 سیٹیں جیت رہی ہے اروند کیجریوال نے کہا کہ دہلی انتخابات کے نتائج کا اعلان ہوچکا ہے اور ہم عوام کے فیصلہ کو قبول کرتے ہیں۔ اب تک ہوئی ووٹنگ سے اندازہ لگایا جارہا ہے کہ اس بار عام آدمی پارٹی کو تقریباً 20 سیٹیں ہی ملیں گی، جبکہ پارٹی کو 2015 اسمبلی انتخابات میں 67 اور 2020 میں 62 نشستوں پر کامیابی ملی تھی۔
یہ بھی پڑھیں: دہلی کی اہم سیٹوں کا حال: اروند کیجریوال اور سسودیا سمیت کئی اہم لیڈر شکست سے دوچار - DELHI ELECTION VVIP CANDIDATES
اروند کیجریوال نے ہار کو تسلیم کرتے ہوئے اس توقع کا اظہار کیا کہ بی جے پی ان عوام کی امیدوں اور توقعات پر پورا اترے گی جنہوں نے اسے اکثریت دی ہے۔ انہوں نے اس موقع پر زور دیکر کہا کہ ان کی پارٹی نے گذشتہ 10 سالوں میں تعلیم، صحت، پانی اور بجلی کے شعبوں میں لوگوں کے لیے بہت کام کیا ہے۔ ہم نے دہلی میں بنیادی ڈھانچے کو بھی بہتر بنانے کی کوشش کی۔ اب، ہم نہ صرف ایک تعمیری اپوزیشن کا کردار ادا کریں گے بلکہ سماجی شعبے میں بھی کام کرتے رہیں گے اور لوگوں کی مدد بھی جاری رکھیں گے‘‘۔
