کولکاتا:ملک کی دوسری ریاستوں کی مغربی بنگال میں بھی عیدالفطر کی تیاریاں زور شور سے جاری ہے۔ بازاروں میں عید کے لیے شاپنگ کرنے والوں کی بھیڑ امیڈ پڑی ہے۔ اسی درمیان سماج میں ایسے بھی لوگ ہیں جن کے لیے کبھی کوئی کچھ بھی نہیں سوچتا ہے۔ خوشیوں کا شہر کولکاتا کی گلیوں میں گھوم میں پرانے کپڑے اکٹھا کرنے والے لوگوں، خواتین، بچوں، بچیوں کے لیے عید کا دن ایک عام دنوں کی طرح ہی گزرتا ہے۔ کولکاتا کی سڑکوں کے کنارے کھلے آسمان کے نیچے راتیں گزارنے والوں کے لیے گھر گھر سے پرانے کپڑے (Ragpickers) کو عیدالفطر سے پہلے افطار پارٹی کے ذریعہ حقیقی خوشی دینے کی ایک کوشش کی گئی۔
ذرائع کے مطابق دارالحکومت کولکاتا میں سماجی کارکن توشیق رحمن نے معاشرے میں نظر انداز کیے گئے لوگوں، بچوں اور بچیوں جو پیشے سے گھر گھر جا کر پرانے کپڑے مانگتے ہیں ان کے لیے افطار پارٹی کا اہتمام کیا۔ کولکاتا میں یہ پہلا موقع ہے جب کپڑا چننے والوں کے لیے کسی افطار کا اہتمام کیا ہوگا۔ سڑکوں پر پلاسٹک، کچڑے اور گھر گھر جا کر پرانے کپڑے اٹھانے والے سبینہ پروین، جہاں آرا بیگم، روما سپوئی، اشوک منڈل، چمپا منڈل دو وقت کی روٹی کے لیے دن بھر کولکاتا کی گلیوں کی چکر لگاتے ہیں۔ سماجی کارکن توشیق الرحمن نے شام کے وقت شہر کی گلیوں میں تقریباً 350 ریگ پکرز کے ساتھ شاندار افطار کا اہتمام کیا۔ ایک اور حیرت کی بات تھی۔ ان تمام پسماندہ لوگوں کو ریاست کے ممتاز شہریوں نے افطار اور کھانا پیش کیا تھا۔ نمایاں لوگوں میں راجیہ سبھا کے رکن وسیم الحق، ستنام اہلووالیا، اور عمران زکئی شامل تھے۔
شہر کی مشہور شخصیات کی جانب سے کچڑا چننے والوں کو بریانی اور مختلف پھل پیش کیے گئے۔ آرگنائزر توثیق رحمٰن نے کہا کہ امن اور ہم آہنگی کے شہر کولکاتا کی اصل پہچان ہے۔ مغربی بنگال میں تمام مذاہب کے لوگ ایک ساتھ خوشی خوشی رہتے ہیں۔ ایک دوسرے کے تہواروں میں شرکت کرتے ہیں۔ اسی وجہ سے بنگال پورے ملک میں مشہور ہے۔
یہ بھی پڑھیں:Iftar Party in Ahmedabad گجرات حج کمیٹی کے چیئرمین اقبال سید کی جانب سے افطار پارٹی کا اہتمام
انہوں نے کہاکہ آج کل افطار پارٹی کا اہتمام کرنے والوں میں ایک وی وی آئی پی کلچر پروان چڑھ چکا ہے۔ میں اس کلچر کو توڑنا چاہتا تھا۔ مختلف قسم کے پھل غریب پسماندہ لوگوں کے لیے اچھی خوراک ہیں۔ اس لیے میں نے رمضان میں ایک دن انہیں تھوڑا بہتر کھانا کھلانے کی کوشش کی ہے۔رحمان نے ای ٹی وی بھارت کو بتایا کہ اس کے علاوہ خواتین کے درمیان ساڑیاں بھی تقسیم کی گئیں۔ انہوں نے شہر کے ممتاز لوگوں سے بھی اپیل کی کہ وہ آگے آئیں اور پسماندہ طبقے کو ذاتی طور پر مد کریں۔
