مغربی بنگال کے جنوبی 24 پرگنہ کے ڈائمنڈہاربرسے ترنمول کانگریس کے رکن پرلیمان اور پارٹی کے قومی جنرل سیکریٹری ابھیشیک بنرجی کوئلہ اسمگلنگ کے ایک معاملے میں انفورسمنٹ ڈائریکٹوریٹ کے سامنے پیش ہوئے۔سالٹ لیک کے سی جی او کملیکس میں سخت سیکیورٹی انتظامات کئے گئے تھے۔TMC National General Secretry Of Abhishek Banerjee's ED Appearance In Coal Scam Case
ترنمول کانگریس کے قومی جنرل سیکریٹری ابھیشیک بنرجی نے کہاکہ اس معاملے میں کچھ بھی کہنے کے لئے بچانہیں ہے۔انہیں جب بھی بلایا جائے گاوہ ای ڈی کے سامنے پیش ہوں گے کیونکہ انہیں پتہ ہے کہ ایجنسی کے پاس ان کے خلاف کوئی ثبوت نہیں ہے۔
انہوں نے کہاکہ پورے ملک کوپتہ ہے کہ بی جے پی اپوزیشن سیاسی جماعتوں کے خلاف سرکاری جانچ ایجنسیوں کوکس طرح سے استعمال کررہی ہے۔مہینوں سے تفتیش جاری ہے لیکن اب تک ایک بھی الزام ثابت نہیں کیاجاسکا ہے۔
یہ بھی پڑھیں:Coal Scam Case: ای ڈی نے ابھیشیک بنرجی کو 2 ستمبر کو طلب کیا
واضح رہے کہ انفورسمنٹ ڈائریکٹوریٹ نے دعویٰ کیا ہے کہ ماجی اس معاملے میں ایک اہم ملزم یا 'کنگ مین'کا پارٹنر ہے، انوپ ماجی اور اس نے کوئلے کی کان کنی کے غیر قانونی کاروبار کے ذریعے پیدا ہونے والے کی آمدنی سے 66 کروڑ روپے سے زیادہ وصول کیے ہیں۔ منی لانڈرنگ کا یہ ای ڈی کیس نومبر 2020 میں سی بی آئی کے ذریعہ درج کی گئی ایف آئی آرکی بنیاد پر کیا گیا تھا۔
اس میں آسنسول اور آسنسول کے آس پاس مغربی بنگال کے کنستوریا اور کجورہ علاقوں میں ایسٹرن کول فیلڈز لمیٹڈ کی کانوں سے متعلق کروڑوں روپے کے کوئلے کی چوری کے گھپلے کا الزام ہے۔ ای ڈی نے اس معاملے میں گزشتہ سال مئی میں چارج شیٹ داخل کی تھی۔ایجنسی نے کہا ہے کہ اس کیس میں جرم کی کل رقم 1,352 کروڑ روپے ہے اور اس نے اب تک 180 کروڑ روپے کے اثاثے ضبط کیے ہیں۔
