مغربی بنگال کے مختلف اضلاع میں سردیوں میں زبردست اضافہ

درجہ حرارت میں کمی آنے کے سبب دارالحکومت کولکاتا اور اس کے اطراف کے اضلاع میں سردی میں اضافہ ہوا ہے اور اس کے ساتھ سرد لہریں تیز ہو گئی ہیں۔

مغربی بنگال کی دارالحکومت کولکاتا سمیت دیگر اضلاع میں موسم کی آنکھ میچولی کا کھیل جاری ہے۔ ریاست کے تمام اضلاع میں سردی میں اضافہ ہونے کے ساتھ ساتھ سرد ہوائیں چلنے سے لوگوں کو دشواریوں کا سامنا کرنا پڑا تھا۔

درجہ حرارت کمی آنے کے سبب دارالحکومت کولکاتا اور اس کے اطراف کے اضلاع میں سردی میں اضافہ ہوا ہے اور اس کے ساتھ سرد لہریں تیز ہو گئی ہے۔

علی پور محکمہ موسمیات کے مطابق اگلے چار پانچ دنوں کے دوران ریاست کے مختلف اضلاع میں درجہ حرارت میں تیزی سے کمی آئے گی۔

انہوں نے کہا کہ درجہ حرارت میں کمی آنے کے سبب تیز سرد لہریں بھی چلیں گی۔ اس کے ساتھ کہیں کہیں بارش بھی ہو سکتی ہے۔

محکمہ موسمیات کے مطابق ایک ہفتے کے بعد ہی موسم میں تبدیلی کا امکان ہے۔ بارش کے بعد سردی میں اضافہ ہونے کا امکان ہے۔

دوسری طرف ریاست کے مختلف اضلاع میں گھنے کہرے میں اضافہ ہوا ہے۔ اس کی وجہ سے سیالدہ اور ہوڑہ ڈویژن میں ریل خدمات پوری طرح سے متاثر ہوئی ہے۔کہرے کے سبب لوکل ٹرینیں منسوخ ہونے کے سبب مسافروں کو دشواریوں کا سامنا کرنا پڑ رہا ہے۔