کلکتہ پولس نے دعویٰ کیا ہے کہ محکمہ آب باشی میں نوکری دینے کے معاملے میں گرفتار راکھیل بیرا جو بی جے پی لیڈر شوبھندو ادھیکاری کا قریبی ہے سے تفتیش کے دوران تہ حقیقت سامنے آئی ہے کہ وہ چار افراد کے اشارے پرنوکری دلانے کے نام پر روپے دیتا تھا۔ خیال رہے کہ سیالدہ کی عدالت نے 12جون تک راکھیل بیرا کو پولس کی تحویل میں دیدیا ہے۔
مانک تلہ پولس نے ہفتہ کے روز راکھل بیرا کوسوجیت نامی ایک شخص کی شکایت پر گرفتار کیا ہے۔ بیرا پر الزام ہے کہ اس نے جولائی اور ستمبر 2019 کے درمیان تقریبا 20 لاکھ روپے محکمہ آب پاشی میں نوکری دلانے کے نام پر لئے ہیں۔ کانتی اور دیکھا میں اس کے کئی ہوٹل ہیں ۔اس کے علاوہ راکھیل بیرا شوبھندو ادھیکاری کے قریبی ہیں۔ کلکتہ میں ہمیشہ ساتھ میں رہتے ہیں ۔بی جے پی میں شوبھندو ادھیکاری کے شامل ہونے کے بعد بھی بیرا بھی بی جے پی کے قریب ہوگیا تھا۔ جس وقت یہ رقم لی جارہی تھی اس وقت شوبھندو ادھیکاری محکمہ آب پاشی کے وزیر تھے۔ پولس اس معاملے میں چنچل نندی نامی شحص کی تلاش کررہی ہے۔
پولس کا الزام ہے کہ اس نے شمالی 24 پرگنہ اور کانتی میں لوگوں سے نوکری دلا نے کے نام پر لاکھوں روپے لئے ہیں ۔یہ تمام نقد 2016 سے 2019 کے درمیان لئے گئے ہیں۔ پولس اب اس کے فون کا ل ریکارڈ کی جانچ کر رہی ہے کہ اس درمیان وہ کس کس سے بات کرتا تھا ۔جو رقم لی گئی تھی وہ کس اکائونٹ جمع کیا گیا ہے ۔یا اس رقم سے پراپرٹی لی گئی ہے۔
شکایت کردہ سوجیت دے نے کہا کہ راکھیل بیر ا نے کوآپریٹو ہاؤسنگ سوسائٹی کے ساہا انسٹی ٹیوٹ کے ایک فلیٹ میں بیٹھ کر رشوت کی رقم لی تھی۔ راکھیل نے کہا تھا کہ یہ فلیٹ اس کا ہے ۔آج عدالت میں پیشی کے دوران راکھیل بیرا کے وکیل نے پولس کی نیت پر سوال اٹھاتے ہوئے کہا کہ یہ گرفتاری اب کیوں ہورہی ہے۔سیاسی انتقال کے تحت کارروائی جارہی ہے۔ تاہم عدالت نے مزید تفتیش کےلئے راکھیل بیر ا کو 12جون تک پولس تحویل میں دیدیا ہے۔
