مغربی بنگال کے بیربھوم ضلع میں ایک تقریب کے دوران سابق آ ئی پی ایس آفیسر بھارتی گھوش نے کہاکہ بنگال کے لوگ اب ممتابنرجی کی سیاسی جماعت ترنمول کانگریس سے اب چکے ہیں۔
انہوں نے کہاکہ لوگوں کو حکمراں جماعت سے جتنی امید یں تھیں اس پر وہ کھرا اترنے میں ناکام رہی ہے۔ لوگوں میں حکمراں جماعت سے متعلق نفرت پائی جارہی ہے۔
سابق آ ئی پی ایس آفیسر کاکہنا ہے کہ حکمراں جماعت ترنمول کانگریس کے رہنماؤں نے بنگال کے لوگوں پر ظلم ڈھائے ہیں۔ ریاست کے مختلف اضلاع میں کانگریس اور سی پی آ ئی ایم کے کارکنان کو جھوٹے الزام میں پھنسائے گیے ہیں۔
بھارتی گھوش نے کہاکہ ظلم ظلم ہو تا ہے حد سے زیادہ بڑھ جائے تووہاں تباہ مچ جا تا ہے۔ مغر بی بنگال میں ٹھیک ایساہی ہورہا ہے۔ بائیں محاذ کی حکومت کے خاتمے کے بعد حکمراں جماعت ترنمول کانگریس نے جتنی آفت کی تھی اس کا حساب انہیں دینا پڑے گا۔
بی جے پی کی رکن کے مطابق بنگال کے لوگوں کو سکیورٹی چاہئے جسے مغر بی بنگال کی حکومت فراہم کرنے میں ناکام رہی ہے۔
