کولکاتا:مغربی بنگال کے شمالی 24 پرگنہ کے جگتدل تھانہ کے تحت بھاٹ پاڑہ علاقے میں پولیس کی تمام تر کوششوں کے باوجود جرائم کی وارداتوں میں کوئی کمی نہیں آ رہی ہے ۔علاقے میں شرپسندوں کی سرگرمیوں میں اضافہ ہونے کے سبب عام لوگوں کو برٰ دشواریوں کا سامنا کرنا پڑ رہا ہے۔Shot Out At Bhatpara,TMC Youth Leader Injured جگتدل تھانہ کے تحت بھاٹ پاڑہ میونسپلٹی کے وارڈ نمبر7 میں پوجا کے دوران پوجا پنڈال میں نامعلوم شرپسندوں کی فائرنگ میں ترنمول کانگریس کے کاونسلر کا بھانجا شدیدطور پر زخمی ہو گیا۔فائرنگ کی وجہ سے پورے علاقے میں سنسنی پھیل گئی۔
ذرائع کے مطابق دو موٹر سائیکل پر سوار شرسندوں نے کالی علاقے میں بنائے گئے کالی پوجا پنڈال کے پاس آئے اور ترنمول کانگریس کے یوتھ رہنما راجو پانڈے کے سر پر پستول تان دی۔شرپسندوں نے فلمی انداز کیں ترنمول کانگریس کے یوتھ رہنما کو گولی مار کر فرار ہو گئے۔ ترنمول کانگریس کے نوجوان رہنما کو زخمی حالت میں مقامی ہسپتال میں داخل کرایا گیا۔ڈاکٹروں نے اس کی حالت مستحکم بتائی ہے ۔پولیس نے جائے وقوع پر پہنچ کر حالات کا جائزہ لیا ۔علاقے میں تلاشی مہم شروع کردی ۔
