مغربی بنگال کی حکمراں جماعت ترنمول کانگریس کے ستارے ان دنوں گردش میں چل رہا ہے.
ممتا بنرجی کی قیادت والی ترنمول کا نگریس کا ایک مسئلہ حل ہوا ہی نہیں تھا کہ دوسرے دروازے پر آ کھڑا ہو جاتا ہے.
شھبندو ادھکاری کے استعفی دینے کا مسئلہ زیر غور تھا ہی کہ اسی دوران مہیر گوسوامی ترنمول کانگریس چھوڑ کر بی جے پی میں شامل ہو گئے.
شھبندو کے لئے ترنمول کا دروازہ کبھی بند نہیں ہو گا:سوگتا رائے ترنمول کانگریس کے رکن پارلیمان اور سنئیر رہنما سوگتا رائے نے رکن پارلیمان شیشر ادھکاری اور شھبندو ادھکاری کے والد کو فون کرکے موجودہ صورتحال پر تبادلہ خیال کیا. دونوں بزرگ اور سنئیر رہنماوں کے درمیان کافی دیر تک بات چیت ہوئی. اس درمیان شھبندو ادھکاری سے متعلق باتیں بھی ہوئی. سوگتا رائے کا کہنا ہے کہ یہ بات سچ ہے کہ ترنمول کانگریس کی سربراہ ممتابنرجی نے شھبندو ادھکاری سے اب تک کوئی رابطہ نہیں کیا ہے.انہوں نے کہا کہ اس کی سب سے بڑی وجہ میں ہوں. کیونکہ انہوں نے مجھے شبھبندو ادھکاری کی ناراضگی دور کرنے کی ذمہ داری دی ہے. ترنمول کانگریس کے رہنما کا کہنا ہے کہ جب تک مسئلہ حل نہیں ہو جاتا ہے یا ختم نہیں ہو جاتا ہے .اس وقت تک وہ مداخلت نہیں کریں گی.
ترنمول کانگریس کے سنئیر رہنما کا کہنا ہے کہ ممتابنرجی اور شزھبندو ادھکاری کے درمیان کوئی تلخی نہیں ہے.
انہوں نے کہا کہ دونوں رہنماوں نے اب تک ایک دوسرے کے خلاف کوئی بیان بھی نہیں دیا ہے. اس کا مطلب شھبندو ادھکاری پارٹی سے الگ نہیں ہوئے ہیں.
سوگتا رائے کے مطابق شھبندو ادھکاری کے لئے ترنمول کانگریس کا دروازہ کبھی بند ہوا ہی نہیں تھا اور نہ کبھی ہو سکتا ہے.
