مغربی بنگال میں کورونا وائرس کی دوسری لہر کی رفتار سست پڑنے کے بعد دارالحکومت کولکاتا سمیت مختلف اضلاع میں سینیٹائزیشن مہم کا اہتمام کیا جارہا ہے۔
اس مہم کے تحت جنوبی کولکاتا کے مسلم اکثریتی علاقہ توپسیا میں سینیٹائزیشن مہم کے تحت علاقے میں سینیٹائزیشن اور ادویات کا چھڑکاؤ کیا گیا۔
جنوبی کولکاتا کے وارڈ نمبر 66 کے توپسیا کی ترنمول کانگریس کی مہیلا صدر ملکہ کی نگرانی میں جنوبی کولکاتا کے مسلم اکثریتی علاقہ توپسیا میں سینیٹائزیشن اور ادویات کا چھڑکاؤ کیا گیا۔
ترنمول کانگریس کی رہنما ملکہ کا کہنا ہے اس وقت علاقے میں سینیٹائزیشن مہم بے حد ضروری ہے۔ اس کے ذریعہ بیماریوں پر قابو پایا جاسکتا ہے۔
انہوں نے کہا کہ مسلم اکثریتی تجارتی علاقہ توپسیا اور اس کے اطراف میں سینیٹائزیشن مہم کے ساتھ ساتھ صاف صفائی کا بھی بے حد خیال رکھا جارہا ہے۔ اس موقع پر ترنمول کانگریس کی رہنما نے ماں کچن کمیونٹی منصوبے کے تحت عام لوگوں کے درمیان دوپہر کے کھانے بھی تقسیم کیے گئے۔
یہ بھی پڑھیں: ممتا حکومت نے مالی برس 2021۔22 کے لیے 3.08 لاکھ کروڑ روپے کا بجٹ پیش کیا
واضح رہے کہ مغربی بنگال میں کورونا وائرس کے مریضوں کی کل تعداد 15 لاکھ 8 ہزار 227 کے قریب پہنچ گئی جس میں صرف ڈھائی ہزار مریض زیر علاج ہیں۔ کورونا وائرس سے اب تک 17 ہزار 850 لوگوں کی موت ہو چکی ہے، لیکن اس کی رفتار میں غیر معمولی کمی آئی ہے۔
دوسری طرف کورونا سے صحتیاب ہونے والوں کی تعداد 15 لاکھ 41 ہزار 343 تک پہنچ چکی ہے۔ اس کے ساتھ ہی صحتیابی فیصد 97.71 تک پہنچ چکی ہے۔
