Sagardighi By Election ساگر دیگھی سے ٹی ایم سی اور کانگریس نے کسی بھی مسلم کو امیدوار نہیں بنایا

مرشدآباد ضلع کے ساگر دیگھی اسمبلی حلقہ جہاں مسلم ووٹروں کی تعداد 67.64فیصد کے قریب ہے۔ضمنی انتخاب میں نہ ترنمول کانگریس کو اور نہ ہی کانگریس کو مسلم امیدوار ملا ہے۔ ترنمول کانگریس نے دیباسیش بنرجی کوا میدوار بنایا ہے۔ چوں کہ اس حلقے میں 67.64مسلم ووٹرس ہیں اس کے باوجود کسی مسلم لیڈر کو ٹکٹ نہیں دئیے جانے پر مسلم حلقے میں شدید ناراضگی ہے۔Sagardighi By Election

کولکاتا:ریاستی وزیر سبرتو ساہا کے انتقال کی وجہ سے یہ سیٹ خالی ہوگئی تھی۔ قیاس لگایا جارہا تھا کہ سابق صدر جمہوریہ پرنب مکھرجی کے بیٹے و سابق ممبر پارلیمنٹ ابھیجیت مکھرجی کو یہاں سے ترنمول کانگریس امیدوار بناسکتی ہے ۔تاہم پارٹی نے ساگردیگھی بلاک کے ترنمول کانگریس کے صدر دیباشیش بنرجی کو امیدوار بنایا ہے۔

2011 کی مردم شماری کے مطابق ساگردیگھی بلاک میں مسلمانوں کی آبادی 64.67 فیصد ہے۔ اور ہندو ووٹوں کی شرح 31.55فیصد ہے ۔اس کے باوجود گزشتہ انتخابات میں ترنمول کانگریس نے سبرتو ساہا کو امیدوار بنایا اور انہوں نے 50فیصد ووٹوں کے ساتھ کامیابی حاصل کی ۔

2021 کے اسمبلی انتخابات کے نتائج کے مطابق اقلیتی ووٹوں کی اکثریت ترنمول کانگریس کی طرف چلا گیا تھا ۔یہاں سے بی جے پی امیدوار مفوضہ خاتون کو 24.8فیصد ووٹوں کے ساتھ دوسری پوزیشن پر رہی ۔جب کہ کانگریس امیدوار شیخ ایم حسن الزمان کو19.45فیصد ووٹ ملے۔ اسدالدین اویسی کی پارٹی ایم آئی ایم کے امیدوار نور محبوب عالم ضمانتی رقم ضبط ہو گئی۔ انہیں صرف 1.85فیصد ووٹ ملے۔

گزشتہ انتخابات کی وجہ سے ترنمول کانگریس کو یقین ہے کہ اس مرتبہ بھی بھاری ووٹوں سے جیت ملے گی ۔کانگریس نے بیڑی کے کاروبار سے وابستہ ہیرن بسواس کوا میدوار بنایا ہے۔