ممتا بنرجی کی قیادت والی حکمراں جماعت ترنمول کانگریس کو اس مرتبہ اسمبلی انتخابات میں تاریخی کامیابی ملی اور اس طرح وہ مسلسل تیسری مرتبہ اقتدار میں آئی۔ خاص بات یہ ہے کہ اسمبلی انتخابات 2021 میں ترنمول کانگریس کو ان علاقوں سے کامیابی ملی جہاں وہ صفر تھی۔ ان علاقوں میں مالدہ ضلع بھی شامل ہے۔
مالدہ ضلع میں ترنمول کانگریس کو ایک سے آٹھ سیٹوں تک پہنچنے کا موقع ملا، جو گزشتہ دس برسوں میں ترنمول کانگریس کی اب تک کی سب سے بہترین کارکردگی ہے۔ اس شاندار کارکردگی کی بدولت ہی یہ قیاس آرائی تھی کہ اس مرتبہ مالدہ ضلع سے وزراء کی تعداد میں اضافہ ہو سکتا ہے اور ہوا بھی۔
وزیراعلیٰ ممتا بنرجی نے سب کو حیران کرتے ہوئے مالدہ کے سینئر رہنماؤں کی جگہ شبینہ یاسمین کو وزیر برائے مملکت بنانے کا فیصلہ کیا۔ اس طرح شبینہ ممتا بنرجی کی حکومت میں دوسری مرتبہ وزیر بنی۔ اس قبل شبینہ یاسمین ترنمول کانگریس کی حکومت میں 2011 میں بھی مختصر مدت کے لیے وزیر رہ چکی ہیں۔ اس وقت وہ کانگریس پارٹی سے منسلک تھی جب کانگریس نے ممتا حکومت سے خود کو الگ کر لیا تھا تو یاسمین شبینہ نے وزارت سے استعفی دے دیا تھا بعد میں 2018 وہ ترنمول کانگریس میں شامل ہو گئیں تھی۔ شبینہ یاسمین ماتھاباڑی سے رکن اسمبلی ہیں۔ شبینہ یاسمین کو مغربی بنگال کی پہلی مسلم خاتون وزیر بننے کا صرف حاصل ہے۔ شبینہ دوسری بار وزیر بنی ہیں۔
شبینہ یاسمین کا بھی کہناکہ انہیں یقین نہیں تھا کہ وہ وزیر بنے گی۔ ممتا دیدی کی حکومت میں اتنی جلد اتنی بڑی کامیابی مل گئی۔
انہوں نے کہاکہ وزیر بننا ہی کافی نہیں ہے، کام کرکے اپنی صلاحیت کا لوہا منوانا ہے۔ اس کے لیے تمام لوگوں کی مدد کی ضرورت ہے۔
مزید پڑھیں: مجھے قانون پر مکمل اعتماد ہے: فرہاد حکیم
شبیہ یاسمین نے کہا کہ ووٹرز کا بہت بہت شکریہ جنہوں نے مجھے یہاں تک پہونچنے میں بڑی مدد کی۔ عوام کی خدمت انجام دینا ہمارا پہلا ہدف ہوگا۔
