مہاراشٹر نو نرمان سینا کے سربراہ راج ٹھاکرے نے ای وی ایم کے ذریعہ ووٹنگ کے خلاف اپنی لڑائی میں شامل ہونے کے لئے آج مغربی بنگال کی وزیر اعلیٰ ممتا بنرجی کے ساتھ نبنو میں میٹنگ کی ۔ راج ٹھاکرے نے اس میٹنگ کے بعد نامہ نگاروں سے خطاب کرتے ہوئے کہا کہ نو نرمان سینا مہاراشٹر میں ای وی ایم مشین کے خلاف مہم چلا رہی ہے ۔
اس لڑائی میں شامل ہونے کے لئے ممتا دیدی کو دعوت دینے آیا تھا کیونکہ ملک میں چند ہی لوگ ہیں جو جمہوریت کو بچانے کے لئے اور ای وی ایم مشین کے خلاف آواز اٹھا رہی ہیں جن میں پہلا نام ممتا بنرجی کا ہے ای وی ایم اور وی وی پیٹ پر بہت سارے لوگوں نے عدم اطمینان کا اظہار کیا ہے ۔
370 پارلیمانی حلقوں میں اس کی وجہ سے پریشانی ہوئی ہے دیدی اور ان کی پارٹی بھی ای وی ایم مشین کے خلاف لڑائی لڑ رہی ہیں اور پوری دنیا میں اس کا استعمال نہیں کیا جاتا ہے ہم چاہتے ہیں کہ بیلٹ پیپرز کے ذریعہ الیکشن ہو اور اس کے لئے ہم تحریک چلا رہے ہیں جس میں ممتا دیدی بھی ہمارے ساتھ ہیں۔
وزیر اعلیٰ ممتا بنرجی نے اس میٹنگ کے بعد نامہ نگاروں سے خطاب کرتے ہوئے کہا کہ ملک کی جمہوریت خطرے میں ہے اور اس کو بچانے کے لئے ہمیں مل کر لڑنا ہوگا انہوں نے کہا کہ الیکشن سے قبل کوئی کیسے کہہ سکتا ہے کہ ہمی ہمیں اتنا سیٹ ملے گا اگر ایسا ہوتا رہا تو ہم کیسے اس نظام پر بھروسہ کر سکتے ہیں جن ملکوں میں پہلے ای وی مشین سے ووٹنگ ہوتی تھی سب سنے بند کردیا تو ہم کیوں کر رہے ہیں ۔
جمہوریت کو بچانے کے لئے ہمیں ای وی ایم مشین سے ووٹنگ بند کرانا ہوگا کیونکہ اس سے سفافیت کو خطرہ لاحق ہے.
