راہل گاندھی کی ورچوئل میٹنگ میں مغربی بنگال کانگریس کمیٹی کے صدر ادھیر رنجن چودھری، آل انڈیا کانگریس کمیٹی کے انچارج جتن پرساد، متعدد اراکین پارلیمان اور ریاست کے متعدد اراکین اسمبلی شرکت کریں گے۔
اس میٹنگ میں آئندہ برس مغربی بنگال میں ہونے والے اسمبلی انتخابات میں کانگریس کی انتخابی تیاریوں پر تبادلۂ خیال کیا جائے گا۔ جس میں پارٹی کے سینیئر رہنما اپنے خیالات اور انتخابی حکمت عملی کے تعلق سے راہل گاندھی کے سامنے مشورے پیش کریں گے۔
واضح رہے کہ مغربی بنگال میں اسمبلی انتخابات کے پیش نظر سی پی آئی (ایم) سے اتحاد کرنے کے بعد کانگریس کی یہ پہلی ہائی لیول میٹنگ ہونے جارہی ہے۔
