Alia University Students Protest: عالیہ یونیورسٹی میں طالب علموں کا احتجاج جاری

مغربی بنگال کی مشہور یونیورسٹی ''عالیہ یونیورسٹی'' آن لائن امتحان کو لے کر طالب علموں کا احتجاج کئی روز سے جاری ہے اور کئی طالب علم بھوک ہڑتال پر بیھٹے ہوئے ہیں۔ وہیں طالب علموں کے رویے سے اساتذہ ناراض ہے۔ یونیورسٹی انتظامیہ کا کہنا ہے کہ احتجاج کے نام پر یونیورسٹی کا ماحول خراب کیا جا رہا ہے اور دوسری طرف یونیورسٹی میں انجیئنرنگ کے امتحانات آف لائن جاری ہیں Students protest for an online class at Alia University۔

کولکاتا: آن لائن امتحان کے مطالبے پر عالیہ یونیورسٹی Alia University میں گذشتہ کئی روز سے احتجاج جاری ہے۔ کئی طالب علم بھوک ہڑتال پر بھی ہیں۔ دو طالب علم بیمار پڑ چکے ہیں۔ دوسری جانب یونیورسٹی کے اساتذہ کا کہنا ہے کہ طلباء کا رویہ نہایت ہی افسوس ناک ہے۔ احتجاج کے نام پر یونیورسٹی کا ماحول خراب کیا جا رہا ہے۔ آن لائن امتحان کا مطالبہ کر رہے طلباء زیادہ تر ایسے ہیں جو سال بھر کلاس میں حاضر نہیں ہوتے ہیں۔ جبکہ یونیورسٹی میں انجنئیرنگ کے امتحانات آف لائن جاری ہیں Alia University students on hunger strike۔

عالیہ یونیورسٹی میں آف لائن امتحان کے خلاف گذشتہ کئی روز سے طلباء کی ایک بڑی تعداد احتجاج کر رہی ہے جبکہ کچھ طلباء بھوک ہڑتال بھی کر رہے ہیں۔دوسری جانب یونیورسٹی انتظامیہ کا کہنا ہے یونیورسٹی کے کچھ شعبے میں آف لائن امتحان ہو رہے ہیں۔ دوسرے شعبے میں بھی آف لائن امتحان ہوں گے۔ آئندہ 27 مئی سے یونیورسٹی میں آف لائن امتحان ہونے والے ہیں۔ یونیورسٹی انتظامیہ کے سامنے احتجاج کرنے والے طلباء نے آف لائن امتحان دینے کی صورت میں تیاری کے لئے 15 دنوں کی مزید وقت دینے کا مطالبہ کیا ہے۔ اگر ایسا نہیں کیا گیا تو طلباء نے امتحانات کے بائیکاٹ کرنے کا اعلان کیا ہے۔

عالیہ یونیورسٹی کے طلباء گذشتہ کئی روز سے احتجاج کر آن لائن امتحان لینے کا مطالبہ کر رہے ہیں۔ اس سلسلے میں یونیورسٹی انتظامیہ کی میٹنگ بھی ہوئی ہے لیکن ابھی تک کوئی حتمی فیصلہ نہیں لیا گیا ہے۔ یونیورسٹی کے اساتذہ نے بھی طلباء کے احتجاج سے پریشان ہوکر یونیورسٹی میں اپنی پریشانی رکھنے کے لئے ہاتھوں میں پلے کارڈ لیکر احتجاج کیا۔ اس دوران طلبا اور اساتذہ کے درمیان بحث و تکرار بھی ہوئی۔